Te fundit
Shqiptari emigrant që ofron Tavë Kosi Elbasani në Gjermani
20 Maj 2013, 10:42Kulturë
TEMA
Ismail Hodaj është shqiptari, që historinë e jetës së tij e lidh pak me artin, kuzhinën dhe dashurinë e madhe për vendlindjen dhe çdo gjë shqiptare. Së fundmi ai do fitonte kopertinëne një reviste të përmuajshme mjaft të njohur në Gjermani me kuzhinën e traditës familjare, ajo elbasanase.
“Më ftuan në një fotostudio dhe fotografët zgjodhën pikërisht këto fotografi për kopertinën e revistës. Karli (pronari i supermarketeve) më tha që ti nisja në revistë dhe një rubrikë me specialitete gatimi. Unë i nisa një në gjermanisht, por ai m’u lut që unë t’i nisja me shkrim dhe një specialitet shqipatar. U lumturova. Më erdhi lepuri në shteg –thashë – dhe i nisa shpejt e shpejt tavën e kosit të Elbasanit. Kur e pashë të botuar në revistë këtë recetë m’u bë zemra mal dhe u ndjeva krenar. Arrita të fitoj kopertinën e muajve maj –qershor dhe tashmë nuk më mungojnë thirrjet kur dal. Ej shefi i tavës së kosit. Ndihem mjaft mirë. E ku ka më bukur të ndërtosh një copëz traditë Elbasani në një vend si Gjermania që unë e konsideroj mjaft mikpritës”- tregon ai.
Hodaj gjithashtu realizon aktivitete të ndryshme , duke sjellë heronjtë e Ksovës, reciton vazhdimisht poezi patriotike , dhe komuna e Podujevës e ka shpallur qytetar nderi për aktivitetin e tij.
Ai është edhe edhe shoqërues i Ismail Kadaresë në promovimet e librave të tij.
“Në mes të qershorit, Kadare do të jetë sërish në Gjermani në një takim me studentët e Këlnit. Unë do të jem aty dhe dhe do të lexoj pjesë nga romanet e tij”, shprehet Hodaj në gazetën “Shqip”.
Hodaj ka qenë aktor në Elbasan, dhe është angazhuar në disa role pranë teatrit Skampa.
Ai tregon se pas emigrimit në Gjermani dhe tejkalimit të vështirësive sot ka biznesin e tij, ku ofron kuzhinën shqiptare, e cila preferohet shumë nga gjermanët./A.XH
Lini një Përgjigje
Më të lexuarat
24 oret e fundit
Javen e fundit
Blog Tema
