Te fundit
Të pavarurit e PD-së dhe mungesa e mesazhit demokratik
21 Maj 2013, 11:07Blog
TEMA
Nga Ilir Yzeiri
Është bërë një traditë jo e mirë në Shqipëri që sa herë fillon fushata elektorale, media dhe komentatorët nuk merrem me thelbin e fushatës por parapëlqejnë të komentojnë sjelljet, taktikat, hiletë, kodoshllëkun, babëzinë, injorancën, karagjozllëkun dhe gjithçka të mbrapshtë që prodhon një fushatë elektorale. Zgjedhjet e 23 marsit do të duhej të ishin një ngjarje e madhe që do të duhej gjithashtu të vinin në lëvizje të gjithë aktorët e jetës publike, sepse, pas njëzet vjetësh, Shqipëria rrezikon të humbasë shansin për t’iu bashkuar Europës, sepse pas njëzetë vjetësh ne gjendemi në fazën më të keqe, gjendemi në hon të krizës së besimit dhe KQZ-ja ose organizmi që do të vlerësojë dhe do të certifikojë zgjedhjet, është thuajse i shpërbërë, sepse në të bëjnë pjesë vetëm skifterët e PD-së dhe një shkallë më lart gjenden të tjerë skifterë, janë ata të Kolegjit Zgjedhor, të cilët, jo më pak se dy vjet të shkuara e minuan tragjikisht besimin e publikut për zgjedhje të ndershme.
Në këto kushte, vëmendja e opinionit publik dhe e mediave do të duhej të përqendrohej më shumë te themelet e demokracisë, në vend që të merrej me lepuj e dhelpra që fshihen në Vlorë apo në ndonjë nahije tjetër.
E them këtë sepse kam parasysh dy gjëra. Dominik Uolton, një nga filozofët e shquar të komunikimit, thotë se përveç tre aktorëve që përbëjnë komunikimin politik, përkatësisht dialogu mes politikanëve dhe fjala e tyre, media dhe sondazhi, në hapësirën e opinionit publik një vend të konsiderueshëm zë edhe mendimi i intelektualëve dhe personaliteteve të shquara, të cilët janë sistem reference për vlerat e demokracisë dhe shoqërinë në përgjithësi.
Mirëpo, në debatet që bëhen te ne, ky mendim thuajse është inekzistent, sepse intelektualët në Shqipëri, me ndonjë përjashtim të rrallë, janë të brishtë dhe nuk kanë kurajë që të shfaqen si institucione të pavarura.
Janë më të sigurt kur mbulohen me tavanin e qeverisë ose të ndonjë force politike. Kështu, java që shkoi pati në qendër rolin e posaçëm që do të luante kandidati i pavarur Arben Malaj deri edhe në zëvendësimin e kryetarit të PS-së(!!!!), hamendësoi dikush.
Kaq shumë u amplifikua ky rast sa e humbi vlerën që kishte në fillim dhe u bë qesharak. Publiku e ka të vështirë të kuptojë se sa mundësi ka një i pavarur që të fitojë në kushtet e një sistemi elektoral të egër që favorizon koalicionet dhe partitë e mëdha. Megjithatë, media në Shqipëri e kundron betejën elektorale si një lojë futbolli dhe ajo që i intereson më shumë është insinuata për lojtarët e kundërshtarit, jo analiza e lojës dhe parashikimi real i rezultatit.
Po të ishte kështu, PD-ja është më e penalizuar nga të pavarurit. Fryma e Re Demokratike që kryesohet nga ish-nënkryetari i PD-së dhe ish-presidenti i vendit, Bamir Topi është një trupë tërësisht e pavarur që është shkëputur nga PD-ja, pra është sa dhjetë Arben Malaj.
Në këtë rast ka logjikë që të flitet për lepur që fle në Durrës apo në Tiranë, sepse dy kandidatët e Durrësit, Gazmend Oketa dhe Sami Gjergji kanë shumë mundësi që të fitojnë. Po ashtu edhe Bamir Topi në Tiranë ka shumë mundësi që të fitojë dhe të gjithë kandidatët e FRD-së në qarqe i prishin shumë punë PD-së, pra janë gati si deputetë të pavarur të së djathtës, sepse votat e tyre janë nga e djathta.
Mirëpo, kjo analizë nuk bëhet. Të gjithë merren me lepurin që fle në Vlorë duke treguar ndoshta një dëshirë të fshehtë për ta parë Edi Ramën që të vuajë. Mirëpo dëshira për të prodhuar efekte dhe analiza me fakte dhe për dukuri konkrete janë anë të ndryshme të analizës. Një dukuri tjetër që po vihet re në këto zgjedhje është mesazhi i vakët.
PS-ja ka gjetur një slogan(“Rilindje”) më të drejtpërdrejtë që përmbledh pak a shumë gjithë përmbajtjen e përpjekjeve të saj dhe konceptit që ajo ka për qeverisjen e ardhshme. Ky slogan radikal që e projekton kundërshtarin si shkakun e anemisë shoqërore e ekonomike është në sinkron me aksionet politike të opozitës dhe perceptohet më lehtë.
Ndërsa slogani i PD-së “Përpara” ka në thelb vazhdueshmërinë dhe motivohet nga optimizmi. Mirëpo, në qoftë se e para vjen nga megateksti i Rilindjes, e dyta, “Përpara” të sjell në mend sloganet e kohës së komunizmit, të punës dhe të aksioneve.
Madje një këngë me këtë titull dhe me vargjet “Përpara, përpara/ përpara, gjithmonë/Na prin fitimtare partia e jonë”, këndohej si hit nëpër aksionet e rinisë. “Përpara” të sjell ndërmend edhe kushtrimin partizan të raportuar si klishe nga tekstet mbi luftën partizane.
Siç shihet që të dyja sloganet janë të largëta në kohë dhe projektojnë një Shqipëri që duhet bërë nga fillimi në rastin e parë dhe një Shqipëri që shkon përpara si në socializëm në rastin e dytë.
4 komente në “Të pavarurit e PD-së dhe mungesa e mesazhit demokratik”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te gjithe gazetaret dhe komentatoret bythelepires te tipit Blendi Fevziu, Arjan Cani, Artan Hoxha, Qim Peka, Artur Zheji, Aleksander Frangaj, Armand Shkullaku, etj, etj, etj duan ta shohin Ed Ramen te vuaje, te mos fitoje, te largohet nga drejtimi i PS.
Dhe a e dini pse ? Sepse Ed Rama nuk ua var, i injoron, i shumezon me zero.
Ata e urrejne sepse kane mentalitetin e pushtetit te katert ne duart e tyre, pushtet i cili perdoret nga ata si mjet presioni mbi pushtetin ekzekutiv per te siguruar favore personale.
Keta palo gazetare dhe komentatore jane me te poshter, me te qelbur dhe me pa moral se edhe nje hajdut ordiner.
Rajmond-ty rama paska me te bere ruajtes te gomarit qe doli ne Foto.
Jane si ti raimond, qe provokon liderin e opozites per ta diskredituar. O lele veshiii. Ik mor horr i horrva. popull dekadent
Dakort,ta kritikojme te majten per Arben Malaj(everteta eshte sheshi) sepse mal nuk eshte por cfar duhet ti themi Berishes dhe te djathtes se tij qe i iku Topi sepse top eshte dhe me fuqi te madhe duket dhe dicka me keq ky Topi ka rreth vetes edhe disa pjestare te pregetitur dhe te formuar edhe ideologjikishte dhe per kete media sheh dhe trajton me force vetem ato qe ndodhin tek e majta dhe jo ato qe ndodhin tek e djathta e cila duket se eshte plotesishte e rrenuar dhe nuk ka asnje shans per tu bashkuar edhe me pas zgjedhjeve per shkak te carjes se madhe ndermjet tyre.Gazetaret dhe analistet edhe neper emisione trajtojne problemet qe ka tek e majta dhe per mua shume mire bejne se vetem kjo do te qeverise vendin me 24 pra te henen pas zgjedhore sepse e djathta nuk ka rruge shpetime pra shkon drejt rrenimit total te saj,mire bejne qe trajtojne te majten se kritikat ndaj saj do te bejne te rregullije ndonje gje ne programin e saj se e djathta ske ci duhet me popullit se ajo nuk ka asnje shenje pozitive dhe eshte vetem humbje kohe te merren me te dhe Berishen genjeshtar,hipokrit,dallkauk.te korruptuar dhe hajdut e shpifanjoz qe cirret neper daljet e tij duke thene vetem nje fraze votoni pd se kjo eshte zgjedhja me e mire dhe se nde dota cojme vendin perpara duke mos thene se ne 8 vjete nuk beri gje por ne kete mandat do bej cudira.Keshtu Mediat e shkruara dhe ato vizive te trajtojne vetem te majten sepse ajo eshte shpresa e popullit