FRD hap fushatën në Durrës. Topi: Marrim së paku dy deputetë në këtë qark. Ne jemi shtëpia e vetme e së djathtës

Fryma e Re Demokratike hapi fushatën zgjedhore në qytetin e Durrësit duke prezantuar edhe kandidatët e saj për këtë qark.

Kryetari i FRD tha se kjo parti do t’i rikthejë parlamentit etikën e komunikimit dhe “do të vendosë interesat e qytetarëve mbi interesat meskine të politikanëve të vjetër”.

“Parlamenti shqiptar ka nevojë për një zë të tretë që t’i thotë politikanëve të vjetër se nuk jeni vetëm ju që përfaqësoni gjithë shoqërinë shqiptare,” tha Topi.

“Ne do të shkojmë ne zgjedhje në 23 qershor për të ndryshuar situatën e për të thyer bipolarizmin, i cili ka shkaktuar trauma në politikën dhe ekonominë shqiptare. Politika duhet t’i ngjajë një lumi të rrjedhshëm që të ketë mundësi të rigjenerojë elita dhe vlera dhe të mos mbetet peng i një njeriu,” tha Topi.

Kreu i FRD akuzoi kryeministrin dhe ministrat e tij duke thënë se kanë humbur lidhjet me zgjedhësit dhe kërkojnë t’u blejnë votën qytetarëve për të ricikluar pushtetin.

Duke iu referuar zgjedhjeve të 23 qershorit, kryetari i FRD-së tha: “Ne kemi të dhënat tona dhe nuk impresionohemi nga frika e të tjerëve për të realizuar sondazhe, qarku i Durrësit do të shkojë në zgjedhje për t’i garantuar FRD-së së paku 2 deputetë në Kuvendin e Shqipërisë”.

Nga foltorja ne Durrës, Topi iu drejtua gjithë demokratëve të Shqipërisë duke u thënë të bashkohen me FRD-në sepse ajo eshtë shtëpia e vërtetë dhe e vetme e të djathtës shqiptare.

Ndërsa Sekretari i Përgjithshëm i FRD-së, kandidati që udhëheq listën e Durrësit, u tha bashkëqytetarëve të tij se “FRD është e vetmja forcë politike, e cila ka publikuar një program politik të detajuar dhe ka një kontratë politike me qytetarin, ndryshe nga partitë e vjetra të cilat kanë si ofertë të vetme presionin e pushtetit dhe blerjen e votës”.

Ai shprehu besimin se qytetarët shqiptarë do të zgjedhin FRD-në.

“Fitorja e alternativës së FRD në Durrës nuk do të jetë fitore e jona personale, por do të jetë një fitore e qytetarisë durrsake, e cila ka ditur gjithmonë të bëj diferencën,” përfundoi Oketa./ep

Tahiri: Jari, i pari president që përfshihet në fushatë. Më mirë të fliste për makinat e avionët

17:03 Politika

Komisioni i Venecias: KQZ nuk mund të funksionojë me 4 anëtarë. Dyshime se mund të ndryshojnë rregullat

16:44 Politika

Berisha: Të hënën mblidhemi për të votuar tre ligjet

12:10 Politika

Bashkohuni sot me ne për të bërë ndryshimin

11:48 Politika

FOTO LAJM/ Përqafimi që bëri xhiron e botës

11:43 Politika

Batërdia e Sahit Dollapit/ Nepotizëm, korrupsion dhe miliarda lekë të devijuara për fushatën e PD-së

11:16 Politika

Policia ndalon vëllain e kandidatit për deputet. Suli: Nuk dua të besoj se ishte e qëllimshme

11:11 Politika

Terrori kalon në një tjetër nivel/ A është ky momenti i përplasjes fatale? (FOTO)

10:55 Politika

Shkarkohen punonjësit që nuk pranuan të marrin teserat e PD-së

10:27 Politika

Arvizu: Rrotacioni është një parim i mirë. U habitëm kur dëgjuam Berishën për vizat

09:47 Politika