Zeni interesohet për burgun privat të Halimit

Zeni, nga gjithë ministrat e babit, këtë Ed Halimin e ka pasur më zët se të tjerët. Sa herë e shihte në TV me atë pallton blu, sikur e kish bërë tatuazh në lëkurë, shfrynte:

-S’e kuptoj se ç’e ka dashur babi këtë burrecin në kabinet. Madje në konfidencë në tavolina s’e thërriste kurrë në emër, por ai burreci, ai bytheci…

Por që kur dëgjoi këtë propozimin e fundit të tij për ndërtimin e një burgu privat në Shqipëri, iu rrit interesi për të.

-Përse ta ketë këtë ide, tha Zeni me vete. Ose do të kapë ndonjë tender, ose do të bëjë ndonjë biznes për të ardhmen.

Vendosi të takohej me Halimin.

Pas përshëndetjeve të para, biseda ngeci.

Halimi mendonte se Zeni interesohej për Durrësin, ku ai kandidon, dhe filloi.

-Shumë mirë po ec fushata në Durrës, na ka ecur mirë. Më kanë pritur mirë. Dhe aty në Kënetë më kanë pritur shumë mirë. Më thanë je djalë i mirë shumë, po të ishe dhe vendali, do merrje gjithë votat. U thashë, pse, nga janë vendalinjtë e Durrësit këtu. Nga Dibra, Mati dhe Kukësi, më thanë. Eh, jo, unë jam nga Devolli, s’më quajnë.

-Ore, nga ministria ç’bëhet, tha Zeni papritur. Se atje tek ju nuk vjen dhe dot se të mban shënim sekretarja.

-Eh, iku ajo kohë, tani s’guxojnë më, tha Halimi. I fluturoj nga dritarja. Po me ca gjëra po ecim. Ti e di që kemi ecë me hipotekat, besoj të kanë thënë…?

-Po, po, më kanë thënë!

-Kemi ecë dhe me noterinë… Besoj të kanë thënë?

-Po, po, më kanë thënë.

-Kemi ecë dhe me burgjet, besoj të kanë thënë….

-Ore, vërtet, si është kjo punë e burgjeve, pyeti Zeni.

-Po janë disa biznesmenë dhe disa kriminelë që e duan, po ne s’kemi vendosur kujt t’ia japim pa na thënë ti. Sipas porosisë suaj, duhet të gjejmë njeriun tonë që ta marrë në administrim… 6000 euro në vit shkonte kostoja…

-Mirë, mirë se paratë nuk janë problem, por kushtet e burgut është mire që t’i përcaktojmë që në ligj që të mos guxojë t’i ndryshojë më njeri me vonë. Shkruaj Halim…

Burgu duhet të ketë dhomë VIP.

-Patjetër shef, kjo është e para, e kemi bërë. Ka TV plazme, xhakuzi, një kopsht të vogël përpara, internet dhe kabllor.

-Ah, shumë mirë.

-Po rregullojmë dhe këtë punën e takimeve me femrat. Do t’i heqim këto klauzolat që duhet ta kesh patjetër grua atë që takon. Se njerëz të gjallë jemi, ja të ndodhi që nuk vjen gruaja, vjen dikush tjetër. Nuk mund të mos e takosh.

-Interesante qenka, tha Zeni. Po sa e kishte fitimin në vit, sa?

-Po shkon tek një milion euro një burg shef, por thashë ta shikoj në dy drejtime dhe si biznes, nëse do t’i kemi ne, por dhe si qetësi, nëse na shkon ters dhe i provojmë…

-Ashtu ë, qeshi Zeni. E nejse, mirë e keni vënë atë kushtin që mund të mos jetë dhe gruaja ajo që të vjen, por e dashura.

Fevzo diskuton me Sandrin shkaqet e sherrit

19:55 Antena

Jari sqaron gazetarët për pikëpamjet e tij mbi fushatën

20:13 Antena

Flamuri, i mërzitur me Alketën

21:13 Antena

Baba Mondi i OSBE, axhendë neutrale për fushatën

22:02 Antena

Sondazh në CEZ për votuesit e PD dhe PS

20:05 Antena

Flamuri konsultohet me hoxhallarët para takimit me Doktorin

20:44 Antena

Sandri gjen arsye “jopolitike” për prishjen e Fevzos me Doktorin

21:27 Antena

Sandri teston Doktorin për Fevzon përmes Blushit

21:43 Antena

Flamuri merr udhëzimet për liberalizmin e vizave me SHBA

22:16 Antena

Flamuri pastron biografinë e të padisiplinuarve në miting

21:51 Antena