Doktori bën kurs për logopedi para mitingut

Doktorit i ka ikur zëri, siç i ndodh zakonisht para mbarimit të fushatave. Për këtë vendosi të ushtrohet për logopedi.

Thirri një logoped dhe i kërkoi t’i hartonte një sërë shenjash, me të cilat ai të komunikonte me popullin në miting, pasi atij nuk I dëgjohej më zëri.

-Në rregull, i tha Doktori. M’i shkruaj fjalitë dhe unë të bëj shpjegimet përkatëse.

Atëherë fillojmë, tha Doktori. Dua të them që jam i ri dhe me i fortë se Rama. Si ta bëj me shenja?

-Mbaj me vete një foto të Zenit, i tha logopedi. Ngrije lart, tregoje me gisht, pastaj trego me gisht nga vetja. Kështu njerëzit do kuptojnë që ti je i ri si Zeni.

Doktori u mendua pak dhe hezitoi.

-Po sikur ta marrin që unë jam si Zeni, humbas zgjedhjet, tha Doktori.

Logopedi u vu në siklet dhe ndërroi bisedë.

-D.m.th nuk është se njerëzit do të ngatërrojnë sikur ti do t’ia lësh pushtetin Zenit, por po tregoje nga fotoja e Zenit dhe e krahason me veten, dukesh i ri, se e ke dhe djalë dhe të ngjan…

-Në fakt djalë e kam, po nuk më ngjan. S’di nga ngjan dreqi.

-Mirë, i tha logopedi, mundet të tregosh dhe ndonjë fytyrë të re që ke në krah.

-Nuk kam, tha Doktori. Gridën nuk e marr dot në miting. U pa puna, po tregoj Çiljetën.

-Në rregull, tha logopedi që donte t’i jepte fund sikletit.

Kalojmë tek kërkesa e dytë.

-Dua të tregoj me shenja që Edi Rama është i korruptuar, tha Berisha.

-Shumë e thjeshtë, i tha logopedi. E ke në çdo manual të logopedisë. Merr në krah Lul Bashën, trego me gisht nga Luli, pastaj ngri gishtin lart për të treguar se po flet për Edin dhe krahasoji.

-Sipas teje Luli qenka hajdut, tha Berisha.

-Jo, absolutisht jo, por njerëzit e kuptojnë më mirë kështu. Kjo gjuhë shenjash është. Nuk ke ça i bën.

-Po nëse unë dua të them që Edi Rama është pervers se ndërron gratë çdo fushatë elektorale?

-Kollaj, i tha logopedi. Merr një foto të asaj Arminës, tregoje dhe bëja me shenjë që ajo dhe Edi ndërrojnë partnerët para fushatës.

Berisha u prish prapë në fytyrë.

-Jo, tha Berisha, se kush i dëgjon këta, fillojnë prapë me Zenin.

Më thuaj si të tregoj që kam program serioz për shëndetësinë?

-E lehtë, i tha logopedi. Merr një foto të Lirisë, bëj si i sëmurë që ta kuptojnë se është fjala për shëndetësinë, pastaj trego foton e Lirisë dhe ngjallu.

-Kjo po më pëlqeka, tha Doktori.

Po për ekonominë si t‘ia bëj kur dua të krahasoj dy modelet?

-E lehtë, i tha logopedi. Mbaj një foto të Argitës dhe bëj me shenjë sikur numëron lek. Pastaj trego nga Rama dhe tund gishtat që është krunde. E kuptojnë vetë njerëzit.

-Në rregull, tha Berisha. Dhe një merak e kam: Si ta bëj që të tregoj se mua më do Perëndimi, Ramën nuk e do?

-E lehtë, i tha logopedi. Merr në tribunë Baba Mondin e OSBE. Merr një qofte dhe futja në gojë. Pastaj trego nga Rama që ha makarona vetë. Njerëzit e kuptojnë se Perëndimi është me ty.

Flamuri, debat me bariun e lopëve që shtypi

22:35 Antena

Fevzo “shet” filmimet për Doktorin tek Bushati

21:30 Antena

Garda studion rreziqet për antiplumb tek Klani

19:08 Antena

Fevzo përgatit kurth ndaj Çanit për Doktorin

19:26 Antena

Endyra heton për skandalin e Ramës me kamerat

19:52 Antena

Telashet e Doktorit me mjeken e botoksit

22:12 Antena

Sandri në telashe nga emisioni i Fevzos me Fahron

21:13 Antena

Doktori diskuton me Rulin për të ardhmen e Lazaratit

22:17 Antena

Komentet e politikanëve kryesorë pas ndeshjes Shqipëri- Norvegji

19:59 Antena

Dita e parë e Cocciante-s në Tiranë

19:41 Antena