Nga Josif Gjipali, te Durim Hushi: Ja 6 kandidatët për drejtorin e Teatrit dhe Operas

Është mbyllur sot konkursi për kandidatët që aplikuan për drejtor i Përgjithshëm, në Teatrin Kombëtar të Operas Baletit dhe Ansamblit Popullor.

Ministria e Kulturës ka publikuar sot emrat e të gjithë atyre që morën pjesë në këtë konkurs, ku garojnë 6 kandidat, mes tyre emra të njohur të artit.

Bëhet fjalë për Josif Gjipalin, Agim Hushin, Kleanthi Gjikën, Zana Çelën, Ylber Gjinin dhe Gëzim Xhaxhajn.

“Në zbatim të Vendimit të Këshillit të Ministrave nr. 173, datë 07.03.2003 “Për emërimin, lirimin ose shkarkimin nga detyra të drejtuesve të institucioneve, në varësi të Këshillit të Ministrave, Kryeministrit ose Ministrit”, në datën 04.08.2016, Ministria e Kulturës shpalli konkursin për pozicionin: Drejtor i Përgjithshëm, në Teatrin Kombëtar të Operas Baletit dhe Ansamblit Popullor duke cilësuar se kandidatët duhet të plotësojnë kërkesat e përgjithshme për pranimin në Pozicionin “Drejtor i Përgjithshëm në Teatrin Kombëtar të Operas Baletit dhe Ansamblit Popullor”, në përputhje me nenin 21 të ligjit 152/2013 “Për Nëpunësin Civil”. Konkursi u mbyll në datën 22.08.2016.”, thuhet në njoftimin e MK-së.

Mësohet se Komisioni i përbërë nga drejtues të nivelit të lartë dhe të mesëm si dhe ekspertë të jashtëm, pasi është njohur me dokumentacionin e paraqitur do të zhvillojë intervista me kandidatët ditën e mërkurë, ora 12:00 në ambientet e Ministrisë së Kulturës.

Pak kohë më parë Ilir Kërni dha dorëheqje nga detyra e Drejtorit i Përgjithshëm, në Teatrin Kombëtar të Operas Baletit dhe Ansamblit Popullor.

Kanë aplikuar për këtë pozicion kandidatët:

Josif Gjipali

Agim Hushi

Kleanthi Gjika

Zana Çela

Ylber Gjini

Gëzim Xhaxhaj

“Drejtori i TKOB është zgjedhur nga juria, vetëm kandidatët nuk e dinë. S’është mes tyre”

10:05 Kulturë

Në gjurmët e “Eremitëve”; qytetarët beratas i japin jetë shtegut drejt kishës së Shën Mëhillit

14:55 Kulturë

Zana Çela drejt zyrës së drejtorit të TKOB

13:38 Kulturë

Faik Konica: Disa këshilla një djalit në Misir, qi dëshëron të botojë një gazetë shqipe

20:05 Kulturë

Stërmbesa muzikante e Skënderbeut, Sofia Katrioti, në Kosovë më 2-4 shtator

15:04 Kulturë

Maria e Lasgushit: Persekucioni komunist ndaj babait vazhdon; vlerësimi më i madh nga Noli e Zogu

18:55 Kulturë

Akoma ka kohë për të sjellë “Nënë Terezën” në Durrës

16:29 Kulturë

Zbardhet axhenda, Roma masa të rrepta sigurie për shenjtërimin e Nënë Terezës shqiptare

00:10 Kulturë

Libra të mallkuar

21:25 Kulturë

INTERVISTA/ Mustafa Nano: I kam zili besimtarët, por vdekja është fundi ynë

10:11 Kulturë