VIDEO-FOTO-FAKSIMILE: Një akuzë e Izet Haxhisë, një video e CNN e një raport i ushtrisë gjermane për sulmin e SHIK në Rinas

11 Janar 2017, 08:16Dossier TEMA
VIDEO-FOTO-FAKSIMILE: Një akuzë e Izet Haxhisë, një video e

Në një nga rrëfimet e tij ish-truproja e Sali Berishës, Izet Haxhia dëshmoi se në ngjarjet dramatike të 97-s, i ishte kërkuar të organizonte fshehtas një atentat ndaj Ambasadës amerikane.

Haxhia thotë se Berisha i ka kërkuar “ti japë një mësim të mira Mariza Linos”. “Asaj lavires, duhet t’i japim një mësim të mirë, sepse  po punon kundër Shqipërisë… ti mund ta godasësh atë” – ka cituar ish-truproja fjalët e Berishës.

Në një intervistë botuar dje dhe sot në DITA mbi ngjarjet e 97-s, Haxhia akuzon PS se u bë bashkëfajtore me Berishën, në momentin që e amnistoi atë për krimet e atij viti, duke firmosur marrëveshjen famëkeqe të 9 marsit.

Në këtë intervistë ai jep detaje edhe nga bisedat e tij me Berishën për atentatin e kërkuar prej këtij të fundit ndaj Ambasadës amerikane:

“Ka qenë muaj maj, ishte koha kur Pjetër Arbnori ishte i ftuar për një vizitë në SHBA nga Kongresi Amerikan. Ishte krijuar opinioni në të gjithë se SHBA i kishte hequr vizën e kuqe Berishës dhe po përkrahte të majtët për të ardhur në pushtet. Ishte një rast i mirë për të treguar se të majtët antiamerikanë u zhgënjyen nga kjo vizitë e Arbnorit që i jepte kredibilitet PD-së së shkatërruar.

Duke u nisur nga kjo, më thërret Berisha në zyrë e më thotë që “ajo lavirja (e kishte fjalën për Mariza Linon, ambasadoren amerikane në atë kohë në Tiranë) duhet t’i japim një mësim të mirë për të gjitha ato që ka bërë kundër nesh, sepse ajo po punon kundër Shqipërisë, ngaqë është e lidhur me lobet greke antishqiptare në Amerikë. Ti mund ta godasësh atë”, më tha.

-Të mendohem, i thashë e të bëj planin për këtë. Në atë kohë, vërtet edhe unë isha i mendimit se Lino po punonte në mënyrë të tillë. Por kur bëhej fjalë për një vend si Amerika, thashë të pyesja dikë që njifte mirë politikën e jashtme dhe Amerikën.

I them Mero Bazes se po të godisja ambasadën amerikane, kuptohet sipas planit tim, pa më thënë njeri, çfarë mund të ndodhte.

Më tha: “Në mënyrë absolute mos ndërmerr një veprim të tillë”. Megjithëse kisha bërë planin për ta goditur nga disa pika ambasadën amerikane, pas kësaj që më tha Mero Baze, hoqa dorë nga plani.

Pas disa ditësh më thërret Berisha dhe më thotë se çfarë kisha bërë për atë porosinë. I thashë që është e pamundur, sepse ambasada ruhet nga forcat marinse të Amerikës dhe policia shqiptare. – “Ti nuk ke dashur ta bësh!”, më tha i zemëruar. Ky ka qenë komunikimi i fundit i imi me Berishën president”.

Kjo është dëshmia e përsëritur e Izet Haxhisë.

Një atentat ndaj Ambasadës amerikane? Duket e ekzagjeruar, por me gjasa nuk është aspak kështu.

Ka prova paralele se ish-presidenti Berisha ka shkuar larg në synimin për të qëndruar me çdo kusht në pushtet.

Një operacion i fshehtë i SHIK-ut ka tentuar të shkaktojë viktima të huaja në Tiranë dhe t’i shpallte ato si sulme të “rebelëve të kuq” për të vendosur ndërkombëtarët kundër grupeve të armatosura që kërkonin dorëheqjen e Berishës.

Ka një dëshmi se makinat e blinduara të Bankës së Shqipërisë u përdorën për operacione të SHIK-ut gjatë trazirave të 97-s. (KLIKO KËTU)

Një burim diplomatik tërhoqi ndërkohë vëmendjen e DITA-s mbi një video të arkivës së CNN dhe një raport të ushtrisë gjermane për një ngjarje të 14 marsit të atij viti në Rinas të Tiranës.

Videoja tregon dy makinat e blinduara të Bankës, që hapin zjarr mbi trupat gjermane që po evakuonin shtetasit e huaj nga Tirana. Ato janë përgjigjur me zjarr dhe furgonat e bardhë të blinduar janë larguar.

Në studion e CNN ndërkohë që transmetoheshin këto pamje, ish-ambasadori shqiptar Qesku deklaronte: “Ja cfarë po bejnë rebelët, perëndimi duhet të reagojë ndaj tyre”.

Në të vërtetë brenda furgonave të blinduar te Bankes (te dhena asokohe me firmen e guvernatores që zëvendësoi Fullanin pas arrestimit), ka patur njerëz të SHIK-ut, bazuar në dëshminë e z.Haxhia.

Edhe raporti i ushtrisë gjermane i cili është botuar sot i plotë thotë se dy mjete të blinduara kanë hapur zjarr mbi trupat gjermane në 14 mars në Rinas.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje