Rama nuk pret përgjigjen e LSI, nis takimet me aleatët e tjerë për konstituimin e koalicionit

23 Mars 2017, 09:23Politika TEMA

Edi Rama ka kryer një punë intensive për konstituimin e koalicionit për zgjedhjet e 18 qershorit. Edhe pse afati i fundit për të dorëzuar në KQZ koalicionin është 19 prilli, kryeministri i vendit ka takuar të gjithë aleatët e koalicionit “Aleanca për Shqipërinë Evropiane” në vitin 2013 dhe 2015 për të përgatitur ngritjen e koalicionit të ri.

Në vitin 2013 për zgjedhjet parlamentare ky koalicion pati 37 parti, ndërsa në vitin 2015 në zgjedhjet lokale, koalicioni i majtë regjistroi 39 parti. Burime të “Shqiptarja.com” pranë kryeministrisë thanë se këto takime janë kryer kryesisht në zyrën e Ramës në kryeministri dhe përgjithësisht kanë qenë takime personale të kreu të PS-së më drejtuesit e partive të vogla.

Të kontaktuar nga Shqiptarja.com, kryetarë të disa prej partive të vogla që janë pjesë e koalicionit që po përfundon mandatin qeverisës, konfirmuan se janë takuar me Edi Ramën dhe kanë bërë një analizë se sa janë përmbushur marrëveshjet paraelektorale për ndarjen e pushtetit.

Takimet janë zhvilluar me intensitet dy muajt e fundit dhe do të vijojnë sërish deri në firmosjen e marrëveshjes së re parazgjedhore. Aleatët bëjnë me dije se në disa raste i kanë paraqitur kryeministri pakënaqësi se nuk janë shpërblyer për numrin e votave me të cilat kanë kontribuar për koalicionin, por kjo kohë është shfrytëzuar që drejtuesit e koalicionit qeverisës të reflektojnë në raport me aleatët.

Disa prej aleatëve kanë gjeneruar pushtet nga kjo qeveri, si kryetari i Aleancës Arbnore Kombëtare, Gjet Ndoj i cili ka qenë drejtor i Arkivit të Shtetit, apo Ervin Mete, kryetar i partisë “G 99” është zëvendësministër i kësaj qeverie në sektorin e financave.

Gjergj Koja, kryetar i Partisë Socialiste të Moderuar ka qenë kryeinspektor i ISSH-së, ndërsa Petro Koçi është ende zëvendësministër i Mbrojtjes. Dy prej aleatëve më të pakënaqur kanë qenë Paskal Milo dhe Skënder Gjinushi të cilët as publikisht nuk i kanë kursyer deklaratat se Rama nuk i është përmbajtur marrëveshjes.

Sipas burimeve Milo ka pasur një qasje më pozitive për t’ju bashkuar përsëri koalicionit, ndërsa Skënder Gjinushi ende nuk ka sqaruar pozicionin e tij. Teksa me partitë e vogla e ka pasur më të thjeshtë për t’i mbledhur rreth vetes, mësohet se në takimet me Shpëtim Idrizin, Rama ka ende pika të lëna pezull por nuk ka asnjë sinjal largimi nga PDIU, ndërsa diskret dhe vendimtar ngelet marrëveshja e mundshme me Ilir Metën, i cili ende nuk ka thënë “po”.

Koalicioni “Aleanca për Shqipërinë Europiane” 2013 
Nr.  Subjekti   Politik                                                        Shkronjat nistore                        Kryetari
1    Partia Socialiste e Shqipërisë                                      PS                                            Edi Rama
2    Aleanca Arbnore Kombëtare                                        AAK                                          Gjet Ndoj
3    Aleanca për Barazi dhe Drejtësi Europiane              ABDE                                  Valentino Mustaka
4    Partia Ambjentaliste                                                        PA                                            Nasi Buzheku
5    Partia Ardhmëria Shqiptare                                           PASH                                        Emin Subashi
6    Partia Bashkimi Republikan Shqiptar                          PBR                                          Zane Llazi
7    Partia Demokrate për Integrim e Prosperitet              P.D.I.P                                       Halim Seitaj
8    Partia e Çështjeve Shqiptare                                       P.Ç.SH                                      Bujar Shurdhi
9    Partia e Gjelbër                                                               P.GJ                                          Edlir Petanaj
10   Partia e Punës e Shqipërisë                                       P.P.Sh                                       Muharrem Xhafaj
11   Partia e Reformave Demokratike Shqiptare             P.R.D.Sh                                   Skënder Halili
12   Partia Unitetit Kombëtar                                                PUK                                          Idajet Beqiri
13   Partia G 99                                                                       G 99                                          Ervin Mete
14   Partia Komuniste e Shqipërisë                                     PKSH                                       Qemal Cicollari
15   Partia Komuniste e Shqipërisë 8 Nëntori                   PKSH-                                      8 Nëntori Preng Cuni
16   Partia Kristian Demokrate e Shqipërisë                      PKDSH                                     Dhimitër Muslia
17   Partia Lëvizja Demokratike për Ndryshim                  P.L.D.N                                     Nikolin Staka
18   Partia Lëvizja për Drejtësi e Shqiptarëve                   LDSH                                        Astrit Kosturi
19   Partia Mendimi i Djathte Liberal                                   MDL                                          Mustafa Lici
20   Partia për Mbrojtjen e të Drejtave të Emigrantëve    P.M.D.E                                     Ymer Kurti
21   Partia Personat me Aftësi të Kufizuar                          PPAK                                        Afrim Jeshili
22   Partia Rruga e Lirisë                                                       PRRL                                        Kurt Kola
23   Partia Shqiptare Atdheu                                                 PSHA                                       Kreshnik Osmani
24   Partia Socialpuntore Shqiptare                                     PSP                                         Ramadan Ndreka
25   Partia Socialiste e Moderuar                                         PSM                                         Gjergj Koja
26   Partia Socialiste e Vërtetë 91                                         PSV 91                                     Petro Koçi
27   Partia Toleranca e Re e Shqipërisë                              P.T.R.                                        Avdi Keci
28   Partia Ligj dhe Drejtësi                                                    PLiDr
29   Partia Lëvizja Punëtore Shqiptare                                P.L.P.SH
30   Partia Lëvizja Socialiste për Integrim                           LSI                                          Ilir Meta
31   Partia Bashkimi për te Drejtat e Njeriut                        PBDNJ                                     Vangjel Dule
32   Partia Demokracia Sociale                                             P.D.S                                        Paskal Milo
33   Partia Social Demokrate                                                 PSD                                         Skënder Gjinushi
34   Partia Aleanca Demokristiane e Shqipërisë               ADK                                          Zef Bushati
35   Partia Pajtimit Kombëtar                                                  P.P.K.
36   Partia Aleanca Popullore                                                AP                                             Fatjon Softa
37   Partia e Punës e Shqipërisë e Riorganizuar              P.P.SH.R                                    Marko Dajti

9 komente në “Rama nuk pret përgjigjen e LSI, nis takimet me aleatët e tjerë për konstituimin e koalicionit”

  1. LSI_ps=PD says:

    konstituimin????
    ju lutemi se kuptojme, o anglezet e Kristalit

  2. landi says:

    Ahaaaaa….Opozita “e vertete” do jete partia e Spartak Ngjeles!!!
    Prandaj ka disa kohe qe ky hedh ndonje fjale “kunder” Rames!
    Po mire, sa parti ka familja Kola? Se sikur edhe i biri krijoi nje parti te djathte…
    Po PDIU (partia e cameve) ku eshte? Apo i njejti skenar si partia e Ngjeles?

    Levizjete Rames jane si levizjet “browniane”, pra pa nje drejtim te konsoliduar.
    Pa PD nuk ka zgjedhje. Nuk do e lejoje Europa dhe Amerika e madhe.
    Coroditja politike vazhdon, por diktature te narkokrimit nuk ka per te lejuar kush.

    1. Spartaku says:

      Landi e ke gabim.Do kete zgjedhje pa pd-ke,pa opoziten se opozita po perjashtohet vete dhe nuk e perjashtoi asnje.Ata kerkojne qiqra ne hell.Kerkesat e tyre jane te padrejta.

  3. Kosta Dhembeli says:

    Është turp që militantë të paaftë synojnë të imponohen. Asnjë parti nuk duhet të premtojë vende pune,ato janë pozicione pune shtetërore dhe nuk janë pronë e PS,PD etj.

  4. ShpetimIdrizi says:

    Ncuq ncuq ncuq. Ne te majte Paskal mishngrenesin, ne te djathte Skender prostaten. Ky po qe eshte “konstituim” aleance me lista veresie. Te gjithe kryetaret e partive “aleate” ne liste per deputete. Te gjithe paperjashtim!!! Vetem keshtu do jene aleate Paskali dhe Pasgomari – Skender

  5. Real says:

    Nejse,pavaresisht se titulli eshte shkruar anglisht,te gjithe e kuptojme se Rama po ben gati lidhjen e ligjshme me partite e tjera te majta apo te qendres, per tu deklaruar bashkluftetare.
    P O R…Vini re e mbani vesh: Une parashikoj nje loje te ndyre te organizuar nga meta dhe basha. Ka sshume mundesi qe pd te mos hyje ne zgjedhje dhe votuesit e pd ,te urdheruar, do votojne per lsi-ne,e cila do dale e vetme ne zgjedhje duke bere opzite (qe e ka filluar qysh me pare).
    Qellimi eshte i qarte : lsi del force e pare dhe meta kryeminister! Ed Rama bej kujdes!
    meta kryeminister do te thote :minim i reformave dhe kryesisht ajo e drejtesise para te ciles berisha ,basha mediu ,m e t a etj kane shume borxhe.

    1. Spartaku says:

      Real! Nuk e ke keq mendimin tende.Ka mundesi te ndodh dhe keshtu si thua ti.Mundet qe Basha me Meten te bashpunojne per te rrzuar Edi Ramen.Mos u befte kurre,se pastaj shqiperine e mori lumi.

  6. Arber I says:

    Shum normale. Larg hajduteve. PS duhet te organizoje mbrojtjen vullnetare te Edi Rames.

  7. kleptofagos says:

    Hajdeni te bejme shtetin pastaj, me kaq shume particka, qe nuk kane asnje ideal tjeter, pervecse te vjedhin dhe mjelin taksat e popullit…
    Po kaq jane edhe nga “krahu tjeter”, pervec partive qe konkurojne jashte koalicioneve. Jemi bere gazi i botes dhe nuk e kuptojme akoma,
    se eshte interesi i klaneve te mafies qe toka shqiptare prodhon kaq shume plehra, perndryshe do kishte nje ligj qe do te falimentonte
    partite fallco dhe pa identitet elektoral. Mire na e bejne, sipas kokes edhe festen…

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje