Tarifat e BE-së për produktet amerikane, Trump: Të padrejta

12 Mars 2018, 17:31Bota TEMA

Gjatë takimeve në nivel qeveritar, të planifikuara me zyrtarët e Bashkimit Europian do të diskutohet edhe mbi çështjet tregtare, deklaroi sot presidenti amerikan, Donald Trump, pas vendimit të tij për të vendosur tarifa për importin e aluminit dhe çelikut.

Deklarata e së enjtes për vendosjen e tarifave globale me një vlerë prej 25% ndaj importeve të çelikut dhe 10 % ndaj produkteve të aluminit ka shkaktuar kërcënime për hakmarrje nga partnerët tregtarë.

Sekretari i Tregtisë, Wilbur Ross do të zhvillojë bisedime me përfaqësuesit e Bashkimit Europian për eliminimin e tarifave dhe barrierave të mëdha që ata përdorin kundër SHBA-së.

“Nuk është e drejtë për fermerët dhe prodhuesit tanë”, tha Trump përmes një postimi në Twitter.
Zëdhënësi i Komisionit Europian, Enrico Brivio tha se priste shpjegime të qarta mbi përjashtimet dhe kualifikimet e tarifave.

Brivio tha se aktualisht asnjë takim i tillë midis BE-së dhe SHBA-së nuk ishte planifikuar, por takimet do të zhvilloheshin në disa nivele gjatë javës.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje