21 familje gjirokastrite ndezin qirinj per qeverine

Share on FacebookShare on Google+Tweet about this on TwitterShare on LinkedInShare on Whatsapp

 

Kristo MËRTIRI

Kur po rrëshqiste dimri i kaluar, gjatë muajit shkurt, në Gjirokastër pati rrëshqitje masive të dherave. Te ai pallati 8 katësh për pak u bë hataja, atje në lagjen “Kodra e Shtufit”. Befas, pallati po mbulohej nga llumi e balta. Vetëm mediat elektronike e të shkruara nuk heshtën. Një ankth e panik i vecante pushtoi mbarë qytetin e përtej tij. Prononcime e premtime zyrtarësh lokalë, por edhe një kakofoni burokratike nga qendra. Ikën mbi 7 muaj “urtë e butë”, miku ynë, por asnjë nga 21 familjet nuk mori arratinë e hidhur të kurbetit ! Shpresuan te pushteti i “Rilindjes” se do u ndodhej pranë në ato ditë e netë të nxira e jo pak të vështira.

Dhe hamëndjet njerëzore mbetën si ëndrra në diell e në shi. U shkurtuan bashkë me shkurtin që për pak mund të shkurtonte urët e jetës te 21 familjet e pafajshme e fatkeqe. Dhe marsi i plakave të marsit, me siguri e sipas mencurisë popullore, do të ngrinte lëkurët ! Rreziku kërcënon ditë e natë, bashkëjetojnë me carjen e baltën. “Përvec marrjes së mostrave të tokës në shtratin e rrëshqitjes, asnjë masë ndërhyrjeje stabilizuese nuk është ndërmarrë…Dhjetra kërkesa të banorëve nuk kanë marrë asnjë përgjigje (!).

Frika nga stina e rreshjeve që po troket, është reale dhe panikndjellëse. Jo më kot banorët po shtojnë ndezjen e qirinjve në kisha, xhamira e teqera. U ranë kambanave dhe shumuan megafonët nëpër minaret. Disa ndezën qirinj edhe për Timonierin e vetëm të Tepsisë rilindiste në Tiranë (Hallall i qoftë që shpërndau në kohë rekord cerifikatat e legalizimit për kishat e xhamitë ! Madje shkoi gjer në Kukës e Gjirokastër). Por lutjet e tyre nuk kanë shkuar ende te “ramskarenjtë” e velur nga pushteti rilindist dhe as në veshët e Perëndisë. E megjithatë, ca luten ende nën flakët e qiririt. Ikën mbi 7 muaj kështu. Vetëm dy familje shkuan të jetojnë me qera. Dhe presin me sytë nga qielli dhe balta që nuk është më “më e ëmbël se mjalta”!…Dhe falen e bëjnë kryq te Xhamia e Teqesë; Kisha e Shën Mëhillit; Teqeja e Zallit; Kisha e Shpërfytyrimit; xhamia mbi 4 shekullore e Pazarit e përtej qytetit. Dikush paska kaluar edhe te Manastiri i Cepos; ura e Zonjës në Labovë; te rrënojat e urës së Shën Kollajve në Lazarat apo te manastiret e Shën Mërisë e të Ungjëllizimit në Goranxi e Vanistër. Por gjer më sot u ka shkuar mundimi për dhjamë qeni…

. Institucionet e Shtetit të së Drejtës, për Gjirokastrën jënë ende te ura ! Jo tek Ura e Zerzebilit ku dikur vranë Hanushen(“bilën e Bakirit”) vetëm sepse “hoqi percen e sirit”. As te bishti i asaj urës mbi Virua apo në Kardhiq e Subash ku mund të presin të bëhet manari dash ! Frika për të nesërmen nuk është hipotetike…”

-Po pritet celja e fondit dhe transferimi i zbatimit të ndërhyrjes nën përgjegjësinë e Bashkisë,-shpreheshin në Prefekturën e Qarkut.

C’ndodhi vallë të premten e parë të këtij shtatori ?

Së pari, rrëfejnë se 21 familjet e braktisura nga shteti e pushteti rilindist, pritën me krahë e gojë hapur deklarenë e Kryetarit mandatdhuruar, deklare që ta bën mishin kokrra-kokrra dhe të lë pak caste pa fjalë e pa halë. U publikua si fishekzjarr jodosido slogani tronditës me shkronja kapitale:” E GJITHË VËMENDJA TEK JU”..Mirëpo po ngrihen në gatishmëri Nr.1 daullet elektorale të zgjedhjeve lokale. Së dyti, u evidentua si ngjarje e shënuar e tepër kulmore përmes furtunës fasadiste një dukuri gëzimndjellëse: Paska “spikatur kryetari i Bashkisë së Tiranës, i cili është filmuar “rastësisht” teksa ka mbërritur me bicikletë” në Ansamblenë e PS-së ! Së treti, tregojnë se sportelet e Postës Shqiptare në qytetin e gurtë, nuk kishin parë ndonjëherë aq shumë njerëz si ajo mbrëmje e xhuma. Ish kryetari i hershëm i Bashkisë gjirokastrite ishte zgjedhur nënkryetar i Ansamblesë Kombëtare ose zëvendës i Taulant Ballës. Nuk e dimë ende numrin e saktë të telegrameve uruese e adhuruese… Së fundi, lustraxhinjtë e vjetër e të rinj thirrën në sofrën e shtruar të memories 8 radhë jo të zakonshme, shkruar me dorën e Timonierit fiks 7 vjetë më parë : “në Gjirokastër, ku qyteti i measnjëtëpërngjasurin ndër qytetet e trashëgimisë kulturore botërore, i cili i fali Ismail Kadaresë parafytyrimet fantastike për të nxjerrë zënë e gurëve kudo nëpër botë, rënkon në agoninë e zgjatur të ngrënies së vetvetes gur pas guri, rrethuar me pallate të veshura me suva që u ngjajnë trashëgimtarëve të pangopur mbledhur kërrusur mbi shtratin ku po del ymri tekanjoz e koprrac i stërgjyshit pasanik”. Vecse të premten, Kryetari disi i ftilluar qëroi grykën e ngriti zërin e bicimnjëshit në ERTV : Njerëzit nuk janë qorra, nuk janë as shurdh ! Duhen fituar zemrat e njerëzve…Dhe harron se gjirokastritët nuk bëhen kollaj urë e vig që të kalojë i mirë e i lig. Sigurimi minimal i jetës në pallate nuk realizohet thjesht me fasada e urata, por me shata e lopata dhe aq më pak me pordhale e pedonale. Përndryshe rrëshqitja e dherave do e përshpejtojë vithisjen rilindiste. Dhe s’do i bëjnë dot derman as qirinjtë e ndezur në xhami, kisha e teqera. Dhe as kurbanët e defterët e udhëtarit të famshëm Evlia Celebi…

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

3 komente në “21 familje gjirokastrite ndezin qirinj per qeverine”

  1. Lutua says:

    Konsiderate per gazetarin Kristo Mertiri.

  2. Vitore says:

    Tani drejt zgjedhjeve lokale qeveria po rrit dashurine per njerzit me fjale e fjalime larg te vertetave. Qeverisje hajdutesh e genjeshtaresh. Numuri i te varferve shtohet bashke me ata qe ikin jashte vendit ku te munden. Manipulimi i njerzve me propaganden qeverisese veshtire te kete sukses, sic ndodh dhe me gjirokastritet e ketij shkrimi realist.

  3. Jak Boston says:

    Ju gjinokastrite mos harroni te dilni ne rresht dhe te votoni Ripjellen prape ne votimet e rradhes.
    Mire te tjeret u mashtruan nga Rama po edhe ju qe na mbaheni per te zgjuar?!
    Mire te ju behet.

Lini një Përgjigje

Adresa juaj email nuk do të bëhet publike. Fushat e domosdoshme shënohen *