Jari përgatit fjalimin e Lulit për tek ceremonia e Azemit

12 Shtator 2019, 18:47Antena TEMA

Meqë ky 12 shtator ishte delikat, ngaqë në ceremoninë e përkujtimit të Azemit do të ishte dhe vajza e tij që ka tradhtuar idealet e Lulit, vendosa ta ndihmoj Lulin duke ja shkruar vetë fjalimin që duhet të mbante para memorialit.

Kjo, edhe për arsyen pasi Luli dhe gjithë Kryesia e PD dhe sekretarët e saj, nuk kanë qenë në PD kur është vrarë Azemi:

“Të nderuar demokratë!

Jari po ju poston fjalimin që i përgatita Lulit:

I dashur Azem!

Jemi mbledhur sot para memorialit tënd, si kurrë ndonjëherë këto 21 vite të mungesës tënde.

Edhe pse nuk të kemi njohur nga afër, ne, udhëheqësit e rinj të PD të kemi pasur gjithnjë idhull dhe kemi ëndërruar të bëhemi si ty.

Sivjet mendoj se e kemi realizuar këtë ëndërr.

Përpjekja për të të imituar ty dhe për të marrë shembull nga heroizmi yt, na dështonte, pasi ne nuk ishim në kushte të njëjta me ty.

Ne e gjetëm PD në Kuvend, në pushtet, në zgjedhje dhe nuk kishte si të të krahasoheshim me ty, që e bëre nga e para.

Atëhere i hymë një projekti madhor, me një guxim titanic, për ta vënë veten në pozitat e tua në vitin 1990.

Vendosëm ta nxjerrim PD nga Parlamenti, ta heqim nga bashkitë dhe të mos hyjmë në zgjedhje.

Vetëm kjo na krijonte mundësinë që të kishim në duar një PD siç e kishe ti si kryetar i parë i saj në vitet ‘90.

Kur ti ishe kryetar i PD, deri në shkurt të vitit 1991, PD ishte siç e kemi ne sot, pa deputetë, pa kryetarë bashkish, dhe e paprovuar në zgjedhje.

Kjo ka qenë në fakt dhe ëndrra jonë, për ta vënë PD në të njëjtat kushte siç e kishe ti.

Tani e kemi rrugën e hapur të ndjekim rrugën tënde.

Tani jemi në provë para Zotit dhe para demokratëve, të tregojmë ashtu si ti, që ta fusim në zgjedhje dhe të fitojmë.

Ndaj vendosa ta mbaj sot këtë fjalim, për të treguar se më në fund dikush tjetër 29 vjet pas teje, është përballë të njëjtës sfidë. Shpresoj t’ia dalim.”

Të dashur demokratë.

Fjalimi ishte pak i gjatë, po Luli e shkurtoi, pasi siç dihet Doktori e hoqi Azemin para zgjedhjeve të 31 marsit dhe nuk donim të krijonim keqkuptime që ky do jetë dhe fati i Lulit.

I juaji, Jari”

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje