FOTO/ “Syri i kaltër” parajsa natyrore në zemër të Shqipërisë, destinacioni i 7700 turistëve vendas e të huaj në qershor-korrik

“Syri i Kaltër” në Sarandë, i cilësuar si parajsa natyrore në zemër të Shqipërisë, si dhe perla e turizmit veror ka tërhequr një numë të lartë turistësh gjatë muajve qershor dhe korrik.

Burimi karstik vetëm 22 kilometra në lindje të Sarandës edhe pse është një vend ku nuk mund të bësh plazh për shkak të temperaturave të ulëta të ujit, është sidoqoftë një vend ku mund të freskohesh gjatë ditëve të gjata nën diellin e nxehtë.

Drejtori i Administratës së Zonave të Mbrojtura në Vlorë, Nexhip Hysolakoj tha për ATSH-në se “Syri i kaltër” është një mrekulli natyrore befason turistët vendas e të huaj, të cilët edhe këtë vit, pavarësisht situatës nga koronavirusi kanë qenë të shumtë. Konkretisht gjatë muajve qershor-korrik këtë burim e kanë vizituar  kanë qenë 7700 turistë, ku shumica kanë qenë vendas, por nuk kanë munguar edhe të huajt si polakë, gjermanë, çekë, francezë, etj”.

“Ndërsa vetëm gjatë kësaj fundjave pati një fluks të shtuar të turistëve ku të shtunën ishin 352 dhe të dielën 640 turistë”, – tha Hysolokaj.

Turistët ndalen në këtë pikë turistike, fotografojnë, shijojnë ujin e burimeve që rrjedhin, si dhe gatimet në dy lokalet turistike që ndodhen në park. Nuk mungojnë edhe të rinjtë guximtarë që hidhen në ujin e ftohtë të burimit për t’u larë.

Turistët vendas e të huaj nuk harrojnë të blejnë edhe ndonjë suvenir në dy dyqanet që ndodhen në zonë, të cilat tregtojnë bluza me shqiponjën dykrenare, flamura, qilima, punime balte, etj.

Valbona, një 33 vjeçare nga Tirana shprehet për ATSH-në se “e vizitoj shpesh “Syrin e Kaltër”, sa herë që shkoj në Sarandë për pushime. Është një vend shumë i bukur që të ofron qetësi dhe të mahnit me bukurinë e tij sa herë e viziton”.

Ndërsa Mirsadi, një i ri nga Kosova, i cili nuk nguroi të zhytet në ujin e ftohtë të burimit u shpreh se “është hera e parë që e vizitoj “Syrin e Kaltër”. Kisha dëgjuar shumë nga shokët e mi që e kishin vizituar dhe nuk mund të ikja nga Saranda pa e parë nga afër. Uji ishte shumë i ftohtë, por ishte bukur të zhyteshe në kaltërsinë e tij”.

“Kur të vij vitin tjetër për pushime do të kthehem sërish”, – shprehet Mirsadi.

Syri i Kaltër është burimi më i madh dhe më i bukur i Shqipërisë, që gëzon statusin e monumentit të natyrës. Thellësia e tij arrin deri në 45 metra.

Syri i Kaltër është burim me ujëra të freskëta dhe të ëmbla i rrethuar me bimësi të dendur dhe me gjelbërim të përhershëm. Burimi i lumit të Bistricës, që përshkon një pjesë të jugut të Shqipërisë, i shëmbëllen vërtet një syri të madh rrumbullak me diametër afro dhjetë metra. Bebja e syrit, një gropë e thellë pus, nga ku uji ngjitet lart si në një kazan që sapo ka filluar të vlojë ka një ngjyrë blu në të zezë. Ajo vjen e rrethohet pastaj nga pjesa e kaltërt e syrit që bëhet e tillë ngaqë thellësia e burimit aty është më e pakët.

Sipas legjendës në këtë zonë jetonte një kuçedër, një krijesë madhështore dhe e frikshme që rrëmbente vajzat, dhe ndalte ujin duke ua bërë tejet të vështirë jetën banorëve. Askush nuk po mund ta vriste këtë përbindësh derisa një ditë një plak i mençur thonë se ngarkoi gomarin e tij me ashkë të ndezur, të cilin kuçedra e gëlltiti me një frymë por ashka e dogji përbrenda dhe nuk mundi të mbijetonte. Por legjenda thotë se nga syri i këtij dragoi buroi ky ujë i kulluar që vazhdon të rrjedhë sot e kësaj dite dhe mban emrin Syri i Kaltër.

5 komente në “FOTO/ “Syri i kaltër” parajsa natyrore në zemër të Shqipërisë, destinacioni i 7700 turistëve vendas e të huaj në qershor-korrik”

  1. iii says:

    Fotot qe keni zgjedhur/publikuar evidentojne as 2 perqind te Syrit te Kalter te vertete!

    1. Nga larg says:

      Shume e vertete. Nuk reflektojne as ate platforme te kalbur qe eshte rrezik per jeten nese do ta shohesh burimin nga larg, as gropat e rruges qe te shkaterrojne balestrat, as rrugen mes ferrave per te vajtur nga makina tek burimi
      Menaxhimi amator na ka lene ketu ku jemi. Shumica e turisteve qe pashe atje jane nga ata me canta ne shpine, qe hane neper fast foods e flene ne hostels

  2. Berti_Sanies says:

    KATASTROF. Rruga eshte cope-cope dhe ferra kishte mbuluar çdogje. Hyrja me lek pa bilete,leket shkoj e per lesh…

  3. sunitet nuk bejne shtet,lloji i kafshes......... says:

    ”siri i sulltanit”qelbej djerse suniti………….
    me gjeti belaja me nje filo[sunit] popopo me tha nuk e di se c’humb eshte manjifik………!!
    desha sdesha[mqs ai i hiqte gjithe shpenzimet] u nisem,pas shume peripecishe e rrezikim per renie ne gremo arritem……..
    sapo mbrritem,prezantimi i pare nje tra qe bllokonte rrugen e pas tij nje policosunit qe kerkonte [bilet] leke ose evro[i qeshen edhe veshet kur pas 5 evro],nejse kaluam……….
    kur mbrritem i them gyzelit/shok ku jemi!? duam edhe shume? me thot,ja,tek ata birazeret me breke…………..!
    cte shikoj: nje turme ”touristoalvanoi” disa me breke te zhytur ne ”si t’sulltonit”,te tjere me shishka plastike per te marre uje te ”bekuar”………..pak me tej nje tjeter me tavoline duke shitur suvenire me ”tsamika”,”autocthonus”,bayrak me big albaniston etj,etj kesisoj patenta te uriturish per me qit ndonje pare.
    nejse,shkuam te ham dreke,ctju them,me mire mos tju them brixolla me mish ”makedonija” shitej per ”vic morave”!
    pas disa oresh,i futem ene nje kofe ”turke me pak”[une sketo] dhe te nxituar morem rrugen e kthimit,kjo per arsye se shoku/gyzel me tha se keta ketej aneve jane te pabese kshq eshte mire te mos na zere nata………………!

  4. Aleksander Thana says:

    Nuk ka kafshe me te ndyra se te konvertuarit e janulles qe paguen nga korrofillaqia dhe na ndyjne e qelbin faqet e gazetave.

Lini një Përgjigje

Adresa juaj email nuk do të bëhet publike. Fushat e domosdoshme shënohen *