Italia nis testimin e vaksinës së koronavirusit tek njeriu

Italia është e bindur se është duke prodhuar me sukses vaksinën kundër koronavirusit dhe nisi testimin tek njerëzit. Vaksina është prodhuar nga kompania bio-teknologjike italiane ReiThera dhe do të provohet tek 90 persona të pa infektuar.

45 persona do të jenë në moshës nga 18 vjeç deri në 55 vjeç e 45 të tjerë nga 65 vjeç deri në 85 vjeç.  6 grupe do të jenë të ndarë  nga 15 persona të cilat do të marrin nga 3 doza të saj.

Testet do të kryhet ne Institutin e Sëmundjeve Infektive Spallanzani në Romë e mbështetur nga Ministria Italiane e Shëndetësisë dhe nga sistemi shëndetësor i rajonit te Lazios.

Sipas testeve të kryera tek kafshët, vaksina e koronavirusit ka prodhuar antitrupa tek minjtë. “Kjo është faza më e përparuar e testimit të një vaksine kandidate të krijuar në Itali,” thotë Luigi Aurisicchio, drejtori i kompanisë farmaceutike që po zhvillon vaksinën.

Shkencëtarët eksperimentuan me vaksinën tek minjtë thotë se presin që ajo të bllokojë totalisht virusin të infektojnë qelizat njerëzore.

“Sipas Spitalit Spallanzani, me sa dimë, ne jemi të parët në botë deri më tani që kemi demonstruar neutralizimin e koronavirusit me anë të një vaksine. Ne presim që kjo të ndodhë edhe te njerëzit” thotë Aurisicchio

Testet e kryera nga shkencëtarët italianë tregojnë se vaksina mund të funksionojë potencialisht kundër SARS-CoV-2 te njerëzit. Më tej, kompania është duke eksploruar platforma të tjera me kompaninë farmaceutike amerikane në përpjekje për të zhvilluar vaksinën më tej.

Për të pasur sukses në sipërmarrjen e saj, ndërmarrja bioteknike kërkon mbështetjen e jo vetëm qeverisë italiane, por edhe institucioneve ndërkombëtare dhe partnerëve që mund të dëshirojnë të ndihmojnë në përshpejtimin e procesit.

Aurisicchio theksoi se kjo nuk është një konkurs apo garë, dhe nëse kompanitë dhe shkencëtarët bashkohen, bota mund të fitonte luftën kundër virusit vdekjeprurës.

A do të ketë një vaksinë deri në fund të vitit?

Drejtori i Institutit Amerikan të Sëmundjeve Infektive, Dr. Anthony Fauci, thotë se mund të duhet  një vit e gjysmë para se bota të ketë një vaksinë kundër koronavirusit.

Deklarata vjen pasi një sërë kompanish farmaceutike, pretendojnë se mund të kenë një vaksinë të gatshme për përdorim urgjent deri në dhjetor. Sidoqoftë, Fauci tha se data më realiste do të ishte deri në pranverën e ardhshme.

Aktualisht, rekordi për zhvillimin e një vaksine është katër vjet, ndërsa vaksinat e zakonshme për dhenve dhe gripit u deshën 28 ​​vjet për tu zhvilluar. Vaksina për fruthin erdhi me një shpejtësi të përshpejtuar prej katër vjetësh. Megjithatë, vaksina e koronavirusit ka ende një rrugë e gjatë, duke marrë parasysh proceset e nevojshme për miratimin e tij për përdorim njerëzor.

Disa thonë se pengesat e zakonshme në zhvillimin e vaksinave janë hequr për shkak të fuqizimit të pandemisë, duke e bërë më të shpejtë të kemi një vaksinë gati për prodhim për rreth fillim të vitit të ardhshëm. Për shembull, gjatë shpërthimit të H1N1 në vitin 2009, shkencëtarët ishin në gjendje të prodhimit një vaksinë kundër virusit në vetëm pesë muaj.

REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *