Uzuni idhull i tifozëve të Ferencvaros, zgjidhet mes më të mirëve në Hungari

Myrto Uzuni mes më të mirëve në futbollin hungarez. Sulmuesi i kombëtares shqiptare, u transferua nga Lokomotiva e Zagrebit te Ferencvaros në muajin gusht.

1.8 milion euro paguan kampionët e Hungarisë në arkat e kroatëve, teksa përfitoi edhe Laçi, që kishte ruajtur një pjesë të kartonit.

Përshtatja me Ferencvaros ndodhi shpejt dhe 25-vjeçari nga Berati ka shënuar gola të rëndësishëm për ekipin.

Për kornizë realizimi në Torino ndaj Juventusit të CR7 në duelin e fazës së grupeve të Champions League, çka e ktheu Uzunin në idhullin e tifozerisë së zjarrtë të Ferencvaros.

Nemzeti Sport Online ka bërë një sondazh në rrjetet sociale rreth formacionit më të mirë të futbollit hungarez. Tifozët kanë votuar dhe Uzuni është pjesë e më të mirëve.

Ajo që bie në sy është dominimi i Ferencvaros, që numëron 8 lojtarë në formacionin më të mirë.

Kampionët zhvilluan një miqësore ditën e sotme. Ferencvaros u përball me modestët spanjollë të Algericas, sfidë që e fitoi 3-1.

Golin e tretë e realizoi Uzuni në minutat shtesë të ndeshjes. Beratasi mori një asist nga krahu i djathtë dhe mposhti portierin kundërshtar.

REMOTE_ADDR:[]

1 komente në “Uzuni idhull i tifozëve të Ferencvaros, zgjidhet mes më të mirëve në Hungari”

  1. tifozi says:

    Bravo Uzuni per arritjet e tija me pune e vullnet. Kur punon me koken ulur dhe pa u mburrur si disa te tjere arrin te besh me te miren per vete dhe kombin tend. Jemi krenare per ty Myrto. Vazhdo te punosh si deri me sot.

Lini një Përgjigje

Adresa juaj email nuk do të bëhet publike. Fushat e domosdoshme shënohen *