FOTOT: Jep veten me qira për të ngrënë apo pirë me dikë që kërkon shoqëri

19 Janar 2021, 12:05Lifestyle TEMA
FOTOT: Jep veten me qira për të ngrënë apo pirë me

Shoji Morimoto është një 37-vjeçar japonez që e fiton bukën e gojës duke dhënë veten me qira “për të mos bërë asgjë”.

Sipas “Independent”, Shoji paguhet rreth 70 euro për të ngrënë apo pirë me dikë që kërkon shoqëri dhe për t’i dhënë personit në fjalë “përgjigje të shkurtra”.

Falë kësaj pune të thjeshtë, 37-vjeçari ka mijëra klientë. Ai e nisi këtë punë në qershor të vitit 2018, kur shkroi në Twitter njoftimin: “Ofrohem me qira si person që nuk bën asgjë. E keni bezdi që të hyni vetëm në një dyqan? Ke nevojë për një lojtar në kalçeto? Unë jam i gatshëm për çdo gjë të thjeshtë”.

Fillimisht, shërbimet ai i ofronte falas, por tani ka nisur të marrë para për të shmangur njerëzit që i humbasin kohën kot dhe për të ulur numrin e kërkesave.

Sot, ai ka 3-4 klientë në ditë. Zakonisht, kërkesat i vijnë nga njerëz që duan të hanë drekë të shoqëruar, persona që janë në prag divorci dhe duan dikë që t’i dëgjojë ose nga persona që duan të bëjnë foto për Instagram.

“Nuk jam mik i klientëve, vetëm sa i lehtësoj pak vetminë njerëzve”, shpjegon Shoji Morimoto.

1 komente në “FOTOT: Jep veten me qira për të ngrënë apo pirë me dikë që kërkon shoqëri”

  1. anticensurë25642654 says:

    në japoni të jesh i papunë është turp,prandaj ky,po themi japonezi i vetëm dembel,i sajoi vetes një punë!!
    nuk është se e bën për të siguruar bukën në kuptimin e mirfilltë të saj,por thjeshtë për të mos e quajtur dembel!!

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje