Nis kursi i pilotëve ushtarakë të helikopterit, Peleshi: Ngjarje e shënuar për Forcat e Armatosura, mes tyre një vajzë

2 Mars 2021, 14:00Kronika TEMA

Një pjesë e pilotëve të ardhshëm ushtarakë të helikopterëve të Forcës Ajrore shqiptare do të formohen Brenda vendit.

Në Bazën Ajrore të Farkës u çel Kursi Bazë i Oficerit në specialitetin Pilot Ushtarak Helikopteri, i cili do të ndiqet nga nëntogerë të përzgjedhur nga forca dhe reparte të ndryshme të Forcave të Armatosura.

Në nisjen e këtij kursi ishte i pranishëm edhe ministri i Mbrojtjes Niko Peleshi, i cili shoqërohej nga shefi i Shtabit të Përgjithshëm të FA gjeneralmajor Bajram Begaj.

Ministri Peleshi e konsideroi nisjen e kursit të pilotit si një ngjarje të shënuar, jo vetëm për Forcën Ajrore por dhe për gjithë Forcat e Armatosura në përgjithësi dhe i siguroi kadetët për mbështetjen e vazhdueshme të Ministrisë së Mbrojtjes.

“Sot ju do të filloni hapin e parë për tu bërë pjesë e gjeneratës së pilotëve të cilët jo vetëm e kanë dashuruar profesionin e tyre por vazhdimisht kanë kryer me sukses dhe profesionalizëm të gjitha detyrat e ngarkuara.

Në rrugëtim që po nisni sot për tu përgatitur si pilot të ardhshëm ju do keni kurdoherë mbështetjen e Ministrisë së Mbrojtjes dhe Shtabit të Përgjithshëm. Unë jam besimplot se Forca jonë Ajrore do të zhvillohet e modernizohet me ritme të shpejta, do të ketë një vëmendje të veçantë dhe të merituar.

Modernizmi teknik i bashkuar dhe kombinuar me pasionin dhe përkushtimin e vajzave dhe djemve kështu si jeni ju, janë siguria jonë për të pasur një Forcë Ajrore dinjitoze dhe te aftë për t’iu përgjigjur kërkesave të kohës dhe nevojave të vendit.

Do mundësojmë që ato orë fluturimi të domosdoshme për t’u quajtur pilot, ju t’i plotësoni dhe të jeni me të vërtetë gjenerata e re e pilotëve dinjitozë e një Force Ajrore që sa më shumë kalon koha, po modernizohet dhe do të modernizohet.”- u shpreh ministri Peleshi, i cili përshëndeti në mënyrë të veçantë të vetmen vajzë pjesëmarrëse në këtë kurs.

“Do të dëshiroja të përfundoja urimin tim për ju duke e mbyllur në mënyrë të veçantë me Armelën që është një vajzë që do të përgatitet për të qenë pilotja e parë në FA.”

Kursi Bazë i Oficerit në specialitetin Pilot Ushtarak Helikopteri zgjat 49 javë mësimore-praktike dhe ndahet në dy faza; përgatitja Speciale-Helikopteri dhe Praktika Profesionale.

Pjesë e kursit janë 12 kadetë, mes të cilëve edhe një vajzë.

 

2 komente në “Nis kursi i pilotëve ushtarakë të helikopterit, Peleshi: Ngjarje e shënuar për Forcat e Armatosura, mes tyre një vajzë”

  1. Soc.jo rilindas says:

    Shtet pa aviacionit luftarak supersonic.eshte e turpshme te na Meroe qiejt tane greku dhe Italiani.mos u mburni me helikopter se eshte qesharake.vetem shqiperia nuk ka te pakten nje skuadrilje avionesh supersonik.Para 90 aviacioni luftarak ishte para shume vendeve per numrin e avioneve reth 125 reaktiv.

  2. Soc.jo rilindas says:

    Shtet pa aviacionit luftarak supersonic.eshte e turpshme te na Mbrojne qiejt tane greku dhe Italiani.mos u mburni me helikopter se eshte qesharake.vetem shqiperia nuk ka te pakten nje skuadrilje avionesh supersonik.Para 90 aviacioni luftarak ishte para shume vendeve per numrin e avioneve reth 125 reaktiv.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje