Te fundit
Muli analizon ku çaloi protesta
13 Nëntor 2022, 19:07Antena
TEMA
Pas mungesës së pjesëmarrjes dhe sidomos mungesës së entuziasmit të njerëzve që morën pjesë në protestën e 12 nëntorit, Muli u përpoq të analizonte me Lelon se ku çaloi puna.
-Unë mendoj se problemi i pjesëmarrjes u shkaktua ngaqë ne paralajmëruam dhunë dhe sulm në Kryeministri, tha Lelo.
Doktori tha Rama të gjejë vend të futet, Paloka tha do marrim Kryeministrinë.
Atëhere njerëzit u tremben, thanë qenka luftë dhe nuk kanë ardhur.
-Këtë nuk e themi dot, tha Muli, se mërzitet Doktori.
Por është për t’u analizuar.
-Unë mendoj se ka vlerë si statistikë, tha Lelo.
Marrim numrin e njerëzve që ishin më 7 korrik dhe bëjmë diferencën me 12 nëntorin.
Aq vetë sa mungojnë, është shifra e demokratëve që besojnë çdo gjë që thotë Doktori.
-Jo, tha Paloka, nuk është e qartë. Doktorin e besojnë më shumë se aq.
Ajo është shifra e demokratëve që besojnë Doktorin, por nuk janë “demokratë që këpusin zinxhirë”, por frikacakë.
-Më mirë të themi që janë demokratë që besojnë Ed Palokën, tha Lelo.
-Jooo, tha Muli, se janë shumë për Palokën.
Paloka pa pas fare dhe nuk mbahet, jo t’i quajmë gjithë këta.
-Problemi i mungesës së entuziasmit mendoj se ishte ai zëri në autoparlant, tha Lelo, që thoshte Edi “Rama o hajdut, boll tani shko në burg”.
Ai dukej sikur i lutej. Madje një herë mu duk si zëri i Abit.
-Nuk besoj t’i ketë mërzitur kjo gjë, tha Muli.
Po ke të drejtë, ishte pak lutëse.
I kemi pas ndryshe ne në kohën tona me Fatos Nanon.
“Fatos Nano o legen, prit Berishën se po vjen/Do të çoj në Tepelenë”.
Kishte dhe rime, dhe kërcënim. Kjo ishte pa gjak.
-Po pra ky është problem, tha Lelo. Ishte sikur ta kishte bë Mond Spaho.
-Po ndonjë arsye tjetër që mund tua themi dhe demokratëve, se këto nuk ua themi dot, tha Muli?
-Demokratëve s’kemi çu themi, tha Lelo, se u kemi thënë që ishte miting i madh, se duhet të na vijnë prapë herën tjetër.
Puna është të mos i gënjejmë më që do marrim Kryeministrinë.
T’u themi që do prishim atë kërpudhën.
-As atë se prishëm dot, tha Muli. Hajd duro Lul Bashën tani.
Se ai të paktën ja theu kërpudhën.
-Këtë e justifikoj unë, tha Lelo.
Themi që nuk deshëm ta prishim vetë, se ai bën tender dhe e rregullon prapë.
Nuk duam të fitojë lekë nga ne.
-Epo mire, tha Muli. Ta kemi një justifikim të paktën.
Më të lexuarat
24 oret e fundit
Javen e fundit
Blog Tema
Lini një Përgjigje