Muli fillon punën si duke identifikuar grupet armiqësore 

5 Qershor 2022, 18:08Antena TEMA

 
Pas fillimit të punës si Sekretar i përgjithshëm i Foltores, Muli ja nisi punës për të identifikuar grupet armiqësore në PD. 
Fillimisht mblodhi gjithë denoncimet e zonjës Kokpalari, e cila ka qenë shumë vigjilente gjatë fushatës. Në bazë të denoncimeve të saj, Muli vendosi të fillojë procesi i shkrirjes së Forumit Rinor të PD, për shkak të përfshirjes së tij në një komplot për marrjen e pushtetit. 
Në raportin e hartuar për këtë rast Muli, ka dhe një sër faktesh kundër tyre. 
Fakti i parë më i rëndësishëm, është se figurat kryesore të Forumit për të fshehur tradhtinë e tyre ndaj Doktorit kanë komunikuar me njëri tjetrin në anglisht, me qëllim që të mos i diktonte Muli. Ka qenë pikërisht Kokpalari që ka kapur komunikimet e tyre anglisht dhe ka zbërthyer komplotin. 
Nga ana tjetër, vetë fati që ata përdorin gjuhën e armikut në Foltore, tregon shumë që ata janë njerëz të infiltruar brenda tyre për të bërë puç pas humbjes së Doktorit. 
Një tjetër fakt komprometues është që shumë nga drejtuesit e forumit punojnë me laptopa dhe jo me kompjuter në zyrë. Kjo tregon që ata kanë diçka për t'i fshehur partisë, se ndryshe duhet të punonin me kompjuterët e zyrave. Kjo i ka shtuar më shumë dyshimet rreth veprimtarisë së tyre. 
E fundit që mbetet të hetohet është se ata përveç whatsapp përdorin dhe telegramin, si aplikacion bisedash për të ruajtur sekretin dhe për të mos komunikuar në grupet zyrtare të PD. 
Pas gjithë këtyre fakteve, Muli vendosi që ata të akuzohen për grup komplotist që përmes metodave teknologjike duan të minojnë autoritetin e kryetarit të partisë. 
Pas Forumit Rinor ekziston dhe një grupim tjetër i njerëzve që erdhën me vonesë tek Foltorja kur panë se Doktori po fitonte. Edhe ndaj tyre duhen marrë masa izoluese dhe të vihen nën mbikëqyrje nëse kanë komunikim me grupin e Lulit. Edhe ata po ashtu dyshohen si të infiltruar. 
Në fund Muli bëri një shënim special për çiftin Grida-Salianji, të cilët i ka konsideruar të rrezikshëm dhe në dispozicion të armiqve për qëllime ende të paqarta. Ndaj tyre duhet të ushtrohen masa të forta mbikëqyrëse dhe bllokuese nga çdo tendencë për afrimin me Foltoren. 
I vetmi njeri për të cilin Muli dha udhëzim të mos preket është Zonja Karo. Për të dha garanci që nuk tradhton më. 
 

Lini një Përgjigje