Seanca e sotme e debatit në Kuvend e futi Mulin në telashe.
Nga konsultimet e tij me Lelon rreth mënyrës se si deputetët e mbështetën Doktorin, doli se Lelo ishte shumë i pakënaqur për diskriminimin gjinor që ekziston në mentalitetin e Mond Saphos.
Gjatë replikës me Edi Ramën, kur ai citoi gomaricat e Konicës, Spaho protestoi duke deklaruar: “Të paktën të na quante gomerë, se gomerët bëjnë një punë”.
Lelo tha se kjo ishte një gafe e pakorrigjueshme.
E para kishte reaguar Albana, e cila i kishte kërkuar Lelos që të ndërpritej transmetimi live në Facebook i Spahos, pasi ky ishte diskriminim gjinor.
-Nuk e kuptoj se çfarë pune bëjnë gomarët dhe pse gomarica nuk bën asnjë punë.
Të dy mbajnë të tjerët në kurriz, kurse gomarica mban dhe gomarin”, tha Albana.
-Ky është skandal. Kjo tregon se ai ka urrejtje për seksin femër, tha ajo.
Muli ishte plotësisht dakord me Lelon.
Madje ai shtoi se në fshatin e tij ka një fermë gomaricash që bëjnë qumësht, i cili shitet shumë shtrenjtë.
-Gomarët se bëjnë dot këtë, tha ai.
Të dy ranë dakord që Spahos t’i tërhiqet vërejtje për këtë gafë.
Pas pak e thirrën Spahon dhe ja komunikuan vendimin.
-Ndërhyrja jote është shumë pa takt, i tha Muli.
Ti duhet të kërkosh ndjesë pasi ke reflektuar një mizogjeni në favor të gomarëve kundër gomaricave.
Kemi dhe gra në grup e fyen. Plus që vet Doktori është partizan i barazisë gjinore dhe në këtë rast simbolikisht ai ka respekt dhe për gomarët, dhe për gomaricat.
Siç e ke vënë re, ai nuk bën dallim mes meje dhe Albanës.
-E kuptoj, tha Spaho, tani që po e mendoj kështu si e thoni ju, keni të drejtë.
Por unë desha t’i mbroj gratë e grupit të mos fyheshin, ndaj i thashë “më mirë të na thoje ne gomerë se sa the gomarica”.
Se më dukej sikur e kishte me gratë demokrate.
Dhe thashë më mirë ta marrim këtë turp përsipër ne burrat.
-A, dakord. Po të jetë kështu, ka kuptim, tha Muli.
Por kjo ka nevojë për sqarim të brendshëm.
Duhet t’i shpjegosh Albanës që nuk ke gjë me gomaricat, që të mos i ngelet qejfi.
-Patjetër, tha Spaho. Unë jam profesor i ekonomisë dhe i njoh mirë velrat e gomerëve dhe gomaricave në punë të vështira në ekonomitë ndihmëse.
Të dy janë njësoj punëtorë.
Kur thashë që gomerët bëjnë dhe ndonjë punë, e kisha fjalën që ndihmojnë gomaricat në punët e tyre, jo se janë më të zotët se ato.
-Dakord, tha Muli. Tani jam i qartë.
Duhet ta sqarojmë këtë situatë se ka ngritur shumë shqetësime në PD.
Se ai Edi Rama është provokator. Ndaj zgjedh fjali të tilla nga ai Beu, si e ka ai, që të na fusë sherrin brenda.
Lini një Përgjigje