Te fundit
Muli i shqetësuar nga replika e Lulit me Doktorin për Portin e Durrësit
14 Nëntor 2022, 18:04Antena
TEMA
Pas replikës së Lulit ndaj Doktorit lidhur me Portin e Durrësit, Muli vendosi të konsultohej me Lelon, se çfarë mund të kishte ndodhur.
-Përse Luli reagoi vetëm për Durrësin, tha Muli.
Doktori nuk ka lënë gjë pa i thënë këto kohë.
-Është shenjë e keqe, tha Lelo.
Me sa duket do të përfshihet në fushatë.
Dhe Durrësin e ka simbol të fushatës.
-Po pse e ka simbol të fushatës?
-Po e ka, se Carën e quan kandidat të non gratës, dhe atë të PS e quan kandidat të no gratës së PS.
Kështu që e quan garë mes dy non gratave dhe do fusë të tretin vetë.
E ka si simbol të fushatës së tij kundër Berishës dhe Ramës.
D.m.th. vetëm në Durrës i plotësohet “Trekëndshi i Bermudës”.
-Po ky Cara më tha që e kam mirë me Lulin, tha Muli.
-Cara i ka vjedhur Lulit sloganin e Tiranës dhe mendon se i ka bërë qejfin Lulit.
Luli e ka pasur “Të parët qytetarët”, ky e ka “T’ia kthejmë Durrësin qytetarëve”.
Dhe meqë i ka marrë sloganin, do të tregojë që e ka mirë me Lulin.
Por kjo Lulin mund ta ketë mërzitur më shumë.
-Duhet të sajojmë një fabulë ta sfumojmë këtë gjë, tha Muli.
Se ne e akuzojmë që është bashkë tek Porti, ai na akuzon që jemi bashkë me Ramën tek të gjitha.
Bile dhe kjo studioja ligjore që bën kontratën e Portit, është studioja që ka mbrojtur Zenin në SHBA tek gjyqi me ata të Gërdecit.
-Epo atëherë paska dhe fakte, tha Lelo.
Unë thashë se kishte vetëm fantazi.
Ata paskan gjet dhe studio që mbron “non gratat”.
Qenkan kopila këta arabët.
Më të lexuarat
24 oret e fundit
Javen e fundit
Blog Tema
Lini një Përgjigje