Pasi Ilir Metaj shpalli se do të bëjë protestën e parë më 13 shtator tek inceneratori i Tiranës, Muli u vu në siklet dhe nuk bëri një mbështetje publike për të.
Në fakt, mbështetjen duhet ta bëjë Doktori me një status i cili pritet në orët në vazhdim.
Lelo, i cili u shqetësua nga kjo mungesë koordinimi e opozitës, i kërkoi Mulit të gjente arsye të forta pse nuk u shpreh.
-Me thënë të drejtën ka zgjedhur datë të keqe, tha Muli.
13 shtatori është dita e parë e sulmit të PD mbi qeverinë më 1998.
Më 12 shtator na vranë Azemin, më 13 shtator sulmuan paradite Kryeministrinë dhe dogjëm makinën e Ben Imamit dhe Paskal Milos.
Më 14 shtator pastaj morëm gjithë godinën.
Tani ky na ka vjedhur datat.
Këto janë datat e revolucionit tonë.
Madje më 13 shtator kemi dhe një dëshmor të vrarë nga radhët tona, nga një plumb qorr.
Për këtë arsye nuk e mbështes dot, se më thonë demokratët ky mirë që na mori datat e revolucionit, por do t’i shkojmë dhe pas.
-Po mire, ju caktojeni më 14 shtator, tha Lelo.
-Më 14 bie ters, pasi na duhet patjetër një dëshmor.
E vetmja shpresë është të vritet dikush më 13, që më 14 të kemi arsye dhe për të shkuar në Sharrë, dhe për të nisur revolucionin.
-A kjo është punë me zarar, tha Lelo.
Nuk të jap dot këshilla për këtë.
-Jo jo, për këtë s’ka nevojë për këshilla as Doktori, as Metaj.
Thjesht nuk di a e kanë vendosur, se zgjidhen vetë këto punë.
Është e vetmja gjë që mund të na bashkojë më 14.
Ndryshe do vuajmë gjatë këtë përçarje.
Lini një Përgjigje