Te fundit
Muli në alarm nga përgjimet e paralajmëruara të Doktorit
29 Shtator 2023, 19:20Antena
TEMA
Doktori paralajmëroi sot në konferencën për shtyp se do flasë për disa përgjime të reja në Kukës.
Muli u alarmua pa masë.
Thirri urgjent Lelon, për të diskutuar se si mund ta shmangnin këtë gjë.
-Duhet ta ndalim patjetër, i tha.
Nëse ka diçka për këtë që u bë kryetar, nuk duhet dhënë.
Mezi shpëtuam me 5500 vota diferencë këtë radhë..
Mund të shkoj 8 mijë herën tjetër.
-Do ta zgjidh unë, tha Lelo. Do flas me të.
Lelo shkon i alarmuar tek Doktori dhe i shpjegon situatën.
-Nuk duhet sulmuar në asnjë mënyrë kryetari i ri i bashkisë, tha, se mund të thellohet për keq rezultati.
-Ke të drejtë, i tha Doktori. Duhet me ndërru.
-Por çfarë akuze kishe bërë gati, tha Lelo?
-S’ka problem, ato i sajojmë, por tani po themi që kemi një video për një drejtor KESH dhe një tjetër për kryetarin e PS.
-Po çfarë kemi, i tha Lelo?
-O zotëri, nuk është detyra ime të gjej video për ta.
Detyra ime është ta them.
Pastaj videon e gjen PD, pse unë do ta gjej.
Është në detyrën e opozitës të ilustrojë me fakte idetë e mija.
Unë nuk jam gazetar investigativ, jam politikan.
-Ke të drejtë, tha Lelo.
Po na është tremb dhe ky Salianji, se qe i mirë për video.
Sidoqoftë zyrtarët sulmoji, se ata hiqen e vihen pa zgjedhje.
Vetëm kryetarin e bashkisë mos sulmo, se s’kemi më fuqi për zgjedhje.
Më të lexuarat
24 oret e fundit
Javen e fundit
Blog Tema
Lini një Përgjigje