Te fundit

Muli ngre dyshime mbi lidhjet e Metës me këtë partinë e re 

19 Shtator 2023, 18:58Antena TEMA

Muli po ndiqte me vëmendje fotot nga inaugurimi i një partie të re dje mbasdite. Përveçse emri i partisë ishte pak qesharak, Mulit i tërhoqën vëmendje disa personazhe në ceremoni. 
E para ishte gruaja e një ish-deputeti të PD, që në fakt është e afërt me Metën. 
Në fillim e injoroi se ndoshta është thjeshtë miqësi, por ku pa dhe një aktor që punon në një emision financuar nga njerëzit e Metës, atëherë u bë më serioze çështja. 
-Ore mos na e financon Meta këtë partinë e re, i tha Lelos? 
-Po pse do harxhoj pare dhe për partinë e vet dhe për një tjetër i tha Lelo. 
-Po se këtë të vetën po ja mbajmë ne dhe ai do ketë hapur këtë tjetrën ta ketë rezervë. 
-Nuk besoj tha Lelo. Po ndoshta njerëzit e tij që janë mërzitur se s'kanë gjet vend në parti, pasi ka shkuar Gim Neshua dhe kanë shkuar aty. 
-Nuk e kam shqetësim tha Muli se e di si përfundon ajo punë, por jam i shqetësuar për Metën që më duket se s'po gjen rehat me ne dhe pse ne e kemi vënë të parin me vulë e firmë. 
-E ka atë ves tha Lelo. Kur i jep shumë gjëra në besim fillon e dyshon pse po mi japin mua të gjitha këto dhe merr masat të ketë dhe një rezervë. 
-Ja të shohim tha Muli. Se ky dhe këtë emrin e partisë e ka si fjali të lënë gjysmë, si me pishmallëk e paska.
-Me sa di unë ai ka pikë kryesore të programit tu marr lekët të pasurve dhe tua japë të varfërve, tha Lelo, ndaj nuk duhet të ketë punë me partinë e Metës se pastaj duhet tu marr lekët atyre dhe të na i japë ne si parti e varfër. Prandaj mos i paragjyko kot.  
 
 

Lini një Përgjigje

Më të lexuarat

Blog Tema

Powered by Tomorrow.io