Te fundit
Muli përgatit pagëzimin e Doktorit nga Urdhri Maltez
27 Qershor 2022, 18:14Antena
TEMA
Muli sot po fluturonte nga gëzimi.
Më në fund kishte mbërritur një letër nga një përfaqësi diplomatike në Tiranë.
“Urdhri Sovran i Maltës”, është një përfaqësi diplomatike me zyra në hotel Rogner, ku për një kohë drejtues i saj ka drejtuar dhe hotelin dhe ka pas respekt për Doktorin.
Sot ai i kishte dërguar një ftesë Doktorit që të merrte pjesë në një ceremoni në Kishë, për një pjesëtar të Urdhrit që kishte marrë detyra të larta në hierarkinë e Kishës.
Muli thirri menjëherë Lelon dhe ja tregoi.
-Kemi dhe Maltën me vete, i tha, për protestën e 7 korrikut.
-Të kishim Maltën ku ta gjenim, por ky s’ka lidhje me Maltën.
Është një urdhër, që e ka emrin Urdhëri Sovran i Maltës.
-Po ça është ky Urdhëri, ku ndryshon nga Malta?
-S’di si të ta them, i tha Lelo. Si të ta them më qartë, ky Urdhri është si zonja Kokpalari, që është trampiste, kurse Malta është si SHBA.
-E kuptova, tha Muli. Po duhet bërë diçka.
-Po patjetër. Ja ta studioj pak të gjejmë ndonjë fabulë që ta zhvillojmë.
Pas gjysmë ore, Muli e thërret prapë Lelon për konsultime.
-E studiove, i tha?
-Po, i tha Lelo. Kam gjysmë ore që po e studioj ceremoninë e betimit të tyre, duke përfytyruar Doktorin që do të bëhet anëtar i tyre.
-Si është?
-Në fillim është e bukur.
Doktori do dalë para këtij Kapelanit, dhe ai do t’i ofrojë një herë shpatën në dorën e djathtë dhe ky do ta vendos në supin e majtë.
Pastaj do t’i dhurojë shpatën në dorën e majtë dhe ky do kryqëzojë duart dhe do ta mbështesë në supin e djathtë.
Pastaj i thotë mbaje kokën drejt dhe Doktori mban kokën drejt.
Deri këtu është shumë e bukur.
-Po pastaj?
-Pastaj ka një problem. Këta e paskan në protokoll, që pastaj Kapelani ja rras një shpullë të fortë njeriut që betohet dhe ai duhet ta durojë pa i nxjerr sytë xixa dhe pa bërë asnjë gjest.
Kjo na e vështirëson punën.
E para, si mund të qëllojë ai me shpullë Doktorin.
E dyta, ta zëmë se Doktori është dakord.
Po ku duron dot shpullë ai në këtë moshë.
-Kjo qenka problem, tha Muli. Duhet të lidhemi me ta.
Ata të bëjnë këtë pjesën e parë me Doktorin, pastaj ndërrojmë Tritanin me Doktorin dhe ata le t’ia fusin me shpullë Tritanit.
Tritani duron në raste të tilla.
-Dakord, tha Lelo, do pyes a mund të bëhet.
Nëse jo, atëherë ta anulojmë ceremoninë e betimit.
T’i mbajmë vetëm si aleatë”.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Se mos e bëjnë SYNET , si atëhere në Arabinë Saudite !