Te fundit
Muli vendos bashkëpunimin e parë ndërkombëtar pas “non gratës”
20 Janar 2023, 19:48Antena
TEMA
Muli sot pati rastin të bënte takimin e parë ndërkombëtar me një politikan të rëndësishëm, qysh kur Doktorin e kanë shpallur “non grata”.
Bëhet fjalë për kryetarin e bashkisë së Maltepes, një periferi e Stambollit, e ngjashme me Gjirin e Lalzit, ku pasanikët e Stambollit kanë shtëpitë e tyre verore.
Ky kryetar është në opozitë me Erdoganin.
Në takim mori pjesë dhe Lelo, si njeri që merr vesh nga marrëdhëniet ndërkombëtare.
-Në fillim dua të të falënderoj për mbështetjen në kohë të vështira, i tha Muli.
Edhe unë kam një shtëpi verore në Lalëz, që është një gji i ngjashëm me Maltepen.
-Marshallah marshallah,- i tha kryetari.
-Edhe Doktori ka ndërtuar me kursimet e veta një vilë katër katëshe, i tha Muli, pasi e sigurova se aty është vend shumë i mirë.
-Marshallah marshallah, përsëriti prapë kryetari.
-Edhe zoti Meta ka një vilë pak më të madhe se të Doktorit dhe timen bashkë, i tha Muli.
-Allah allah, tha kryetari. Si e lejon Doktori?
-Jemi tolerantë brenda koalicionit, tha Muli.
Është kjo arsyeja që ne të ndiejmë ty sikur të kemi kryetar bashkie të Gjirit të Lalzit, i tha Muli.
-Ishallah ishallah, tha kryetari.
-Tani të kalojmë drejt e në temë, tha Muli.
-Çfarë duhet të bëjmë ne që t'iu ndihmojmë ju kundër Erdoganit?
-Bereqaves sa të mundni, tha kryetari.
Me hatër të të madhit Allah në fillim hiqni dorë nga televonelat turke.
Mos i shikoni ato se i shërbejnë Erdioganit.
-Allah, allah, tha Muli.
Ku ka burrë t’i mbushë mendjen Albana Vokshit dhe Karminës të mos shikojnë telenovela. Na vure në hall.
-E dyta, duhet të dalim pro SHBA, që kundërshtojnë Erdogan për Gulen.
-Këtë të SHBA nuk e bëjmë dot, tha Muli, se ashtu kemi një hall. Po ndonjë gjë tjetër?
-Duhet të sulmoni investimet turke në Shqipëri, se janë biznese personale të Erdoganit.
P.sh këta që kanë blerë hidrocentralet në Shqipëri dhe Metalurgjikun.
-Këtu nuk të ndihmojmë dot se është ortak djali i Doktorit, tha Muli.
Po na thuaj ndonjë gjë tjetër.
-Këto tre pika kemi tani për tani, tha kryetari.
E shikoj që nuk na ndihmoni dot.
Ishallah u ndihmon i madhi Allah dhe futeni në rrugë të drejtë.
Më të lexuarat
24 oret e fundit
Javen e fundit
Blog Tema
Lini një Përgjigje