Jo tanket e kërkuara, ja çfarë përfshin paketa e ndihmës në Ukrainë

22 Janar 2023, 10:35Bota TEMA

Jo tanket e kërkuara, ja çfarë përfshin paketa e

Paketa e ndihmës për Ukrainën përfshin tanke, por jo tanket luftarake të prodhimit gjerman Leopard, që ka kërkuar Ukraina, ose tanket e amerikane, Abrams.

Kështu deklaroi për mediat sekretari amerikan i Mbrojtjes, Lloyd Austin pas mbledhjes që u bë të premten.

Në këto kushte, a ka marrë Ukraina ndihmën e nevojshme?

Kievi thotë se i duhen tanket Leopard të prodhimit gjerman për të zmbrapsur trupat ruse, por Kremlini ka paralajmëruar se çdo vendim i aleatëve për të dorëzuar tanket do të ishte një përshkallëzim “jashtëzakonisht i rrezikshëm” i situatës.

Paketa që Austin dhe gjenerali amerikan, Mark Milley, përshkruan pas takimit të Grupit të Kontaktit të Mbrojtjes së Ukrainës përfshin një sërë obusësh, automjete të blinduara dhe municione, shkruan REL.

Ai tha se paketa përfshin gjithashtu “kapacitetin e tankeve” të ofruar nga Polonia. “Kjo është një paketë shumë, shumë e madhe”, tha Austin.

“Nëse vendoset siç duhet, do të mundësojë që [forcat ukrainase] të jenë të suksesshme”.

Trupat ukrainase po trajnohen me pajisje që tashmë u janë dërguar nga aletët.

Në total, Shtetet e Bashkuara kanë ndarë 27 miliardë dollarë si ndihmë për Ukrainën, prej kur Moska ka nisur luftën në shkurt të vitit të kaluar.

Aleatët perëndimorë kanë ofruar po ashtu armë në vlerë të miliarda dollarëve për Ukrainën.

 

1 Komente

  1. D
    Dardan

    Megjithë një valë të re ndihme ushtarake për Kievin që ofron më shumë sisteme armësh dhe municionesh për ushtrinë ukrainase, Gjermania vazhdon të qëndrojë si një pengesë për gatishmërinë e SHBA-së dhe Perëndimit për të mbështetur Ukrainën me tanke.

    Lini një Përgjigje