John Bolton: Pa SHBA-të në NATO, BE është e humbur

23 Shkurt 2024, 22:10Bota TEMA
John Bolton: Pa SHBA-të në NATO, BE është e humbur

Ish-këshilltari i sigurisë kombëtare gjatë administratës Trump, John Bolton, është mes atyre që besojnë në seriozitetin e deklaratës së ish-kreu të Shtëpisë së Bardhë për tërheqjen e SHBA-ve nga NATO. Në një intervistë me greken “Kathimerini”, Bolton kujton se Trump ka ende të njëjtën qëndrim që ka pasur në vitin 2018. Në rast hipotetik të largimit të SHBA-ve nga Pakti i Atlantikut Verior, Bolton thotë se nuk do të jetë Bashkimi Europian i fituari.  

"Unë mendoj se Trump është shumë serioz në lidhje me tërheqjen nga NATO. Unë e përshkruaj në librin tim "Dhoma ku ndodhi gjithçka" skenën në samitin e NATO-s në Bruksel në vitin 2018, ku ai ishte më afër tërheqjes se asnjëherë tjetër dhe në fund nuk e bëri. Por ai kurrë nuk i ka ndryshuar pikëpamjet e tij që atëherë. Dhe këto komente më të fundit, mendoj se janë vetëm një reflektim i mëtejshëm në publik se ai është i bindur për shumë arsye.

Natyrisht, këto deklarata gëzojnë rusët dhe dekurajojnë vendet anëtare të NATO-s duke pasur parasysh se Trump ka gjasa të jetë kandidati republikan për president. Gjithsesi, jemi ende një vit larg zgjedhjeve dhe nuk ka asnjë garanci se Trump do të zgjidhet. Nga ana tjetër, sinqerisht nuk mendoj se, Evropa është e aftë të mbrohet pa SHBA-të në NATO. Kështu që, ata që mendojnë se kjo është një fitore e madhe për Bashkimin Evropian, duhet ta mendojnë dy herë", tha ai.

Bolton, i cili ka përfaqësuar SHBA-të në OKB në vitet 2005-2006, tashmë kritik i ashpër i ish-presidentit Trump, shton se tërheqja e Amerikës nga NATO do të fuqizonte menjëherë Rusinë.  

"Unë mendoj se NATO do të kolapsonte pa praninë e SHBA-ve, sepse tërheqja do të sillte menjëherë largimin e kapaciteteve që tani janë pjesë e infrastrukturës komanduese të NATO-s në Bruksel dhe gjetkë, tërheqjen e forcave amerikane dhe ndoshta hapa të tjerë, si dhe moskoordinimin për inteligjencën në masën që është tani. Unë mendoj se vendi më i prekur menjëherë do të jetë Ukraina, sepse Putini, nëse sheh tërheqjen e Trump nga NATO, do ta dijë se koha është në anën e tij dhe se ndërsa koherenca e NATO-s fillon të shpërbëhet, pozicioni i tij në Ukrainë do të forcohet", tha Bolton.

2 Komente

  1. A
    Adi.

    Jo zoti Bolt. America do ishte e humbur.

    1. D
      Drejt e ka Adi

      Bravo Adi, Amerika do ishte e humbur, bile shume. Evropa do merrej vesh me Rusine per nje dekade nderkohe qe do pergatitej oer rast lufte. Pa NATO Amerika eshte e humbur kundrejt Kines dhe Rusise. Ekonomia amerikane (se bashku me industrine e armeve) do degradonte nese do humbte tregun Evropian etj tregje pas tij. Dollari do te cvleresohej, dhe kuptohet cfare ndodh: ekonomia boterore do prishej ndjeshem oer nje periudhe. Por ekonomia e USA do te ishte e fundit te rimekembej pa bashkepunimin me gjithe kontinentet, gje qe nuk do ishte e sigurte. Ky skenar me siper eshte gati i pamundur sepse biznesi i madh amerikan juk do ta lejonte kedo president amerikan ti hynte aventurave te tilla. Por edhe populli amerikan nuk do votonte asnje president tjeter qe do kercenonte me largim nga Nato.

      Lini një Përgjigje