Lufta përqendrohet në Bahmut, Rusia sulmon nga ajri qytetin

22 Janar 2023, 11:56Bota TEMA

Lufta përqendrohet në Bahmut, Rusia sulmon nga ajri qytetin

Ushtria ukrainase tha se forcat ruse gjithnjë e më shumë po përdorin sulmet ajrore, ndërsa po vazhdojnë avancimin e tyre në qytetin strategjik të Bahmutit.

Ky qytet gjendet në rajonin lindor ukrainas të Donbasit.

Në mbarë vendin, 27 sulme ajrore dhe 55 granatime u raportuan më 21 janar tha Shtabi i Përgjithshëm i ushtrisë ukrainase. Shtabi shtoi se përdorimi i dronëve kamikazë dhe i raketave vazhdon të mbeten kërcënim për mbarë Ukrainën.

Afër Bahmutit, ku për javë të tëra ka pasur luftime të ashpra, forcat ruse “po rrisin intensitetin e përdorimit të aviacionit”, por po “mbrojnë veten” në disa zona në Ukrainë, tha ushtria ukrainase më 22 janar.

Më shumë se 11 muaj që kur ka nisur pushtimi i paprovokuar rus i Ukrainës, luftimet janë përqendruar në Bahmut, në afërsi të qytetit Kermina në verilindje dhe në rajonin jugor të Zaporizhjës.

Kievi i ka bërë thirrje partnerëve të tij perëndimorë që t’i ofrojnë më shumë armatim, përshirë tanke të rënda, pasi Rusia duket se po bëhet gati për një operacion të shkallës së gjerë që do të shkojë përtej rajonit të Donbasit.

Bazuar në njoftimet e bëra së fundmi për reforma në ushtri, Moska po ashtu po përgatitet që ta zgjerojë kërcënimin ushtarak konvencional përtej luftës në Ukrainë, ka thënë inteligjenca britanike.

Ministria e Mbrojtjes së Britanisë e bëri këtë vlerësim në janar, kur komentoi njoftimin e ministrit rus të Mbrojtjes, Sergei Shoigu, se reformat do të shtonin 1.5 milion personel ushtarak brenda tre vjetësh dhe do të rivendoseshin dy rrethe ushtarake në Rusi.

Planet “sinjalizojnë se lidershipi rus ka shumë të ngjarë të vlerësojë se një kërcënim i zgjeruar ushtarak konvencional do të zgjasë për shumë vite, përtej luftës aktuale në Ukrainë”, tha inteligjenca britanike.

Megjithatë, Britania shtoi se “Rusia ka shumë të ngjarë që të ketë vështirësi të gjejë staf dhe pajisje për të realizuar këtë zgjerim”.

 

 

 

 

4 Komente

  1. P
    Pilaf Scholz

    Bah-muti do te jete qyteti ku do te pershkallezohet lufta edhe ndaj shteteve te tjera qe po japin miliarda $ armatime dhe nuk kane ndermend te bejne asnje hap per bisedeme ne ndalimin e kesaj lufte , kjo lufte u leverdis por monedha ka dy ane.

    1. P
      Putin Gelboqja

      Ne ruset te rrujm bythen ...

      1. F
        Fatos

        O kar, cfare shkruan. Ndërro ilaçet se ke marrë të pleqve.

        1. a
          anti25642654censurë

          toso plak është dhe "ilaçet" janë vetëm sheqerka!ky është në fund,dhe nuk mund të përmirsohet,ilaçet janë paliative!!prandaj lëre të hajë se nuk i prish punë kujt!!shikoje si shkon direkt në mut që në fjalën e parë"Bah-muti"?

      Lini një Përgjigje