Rusia hedh poshtë mundësinë për bisedime për paqe

6 Dhjetor 2022, 13:22Bota TEMA

Rusia hedh poshtë mundësinë për bisedime për paqe

Kremlini i është përgjigjur deklaratëve të SHBA-së duke thënë se nevojitet paqe afatgjatë dhe drejtësi, por nuk ka “nuk ka asnjë shans” për bisedime për momentin.

Ditën e djeshme, sekretari amerikan i shtetit Antony Blinken paralajmëroi se Rusia mund të jetë duke kërkuar një mënyrë për t’u tërhequr nga Ukraina pa negociuar një marrëveshje të qëndrueshme paqeje.

Ai tha se Moska mund të rigrupohet dhe të sulmojë edhe një herë Ukrainën. Javën e kaluar, presidenti amerikan Joe Biden tha se do të ishte i hapur për bisedime me Vladimir Putin nëse udhëheqësi rus ishte i interesuar për t’i dhënë fund luftës.

Por u duk se bisedimet mes SHBA-së dhe Rusisë nuk do të ndodhin së shpejti, pasi të dyja palët nuk dukeshin të gatshme të tërhiqeshin nga kërkesat e tyre.

Lini një Përgjigje