Rusia ka vjedhur 1 miliard dollarë grurë nga Ukraina

Sipas imazheve të reja të publikuara nga Agjencia amerikane Hapësinore, NASA, Rusia ka vjedhur rreth 1 miliard dollarë grurë nga Ukraina, që prej nisjes së agresionit rus më 24 shkurt 2022.

Programi i NASA-s, i cili merret me çështje të tilla, është ai i njohur për sigurinë ushqimore dhe agrikulturën.

Në bazë të analizave të kryera, është krijuar një hartë e përcaktuar e veprimeve ruse në Ukrainë dhe është dalë në përfundimin se rreth 6 milionë tonë grurë ukrainas, janë korrur në zonat e pushtuara nga Rusia.

Kjo sasi, do të përbënte edhe 88% të gjithë grurit në zonat ukrainase të pushtuara nga Rusia, ku vetëm 12%, kryesisht zona në frontin e luftës, janë ato që nuk është arritur të korren.

Nga ana tjetër, dyshime shumë të mëdha po ngrihen mbi fatin e drithërave, pasi Rusia prej kohësh po eksporton sasi të mëdha gruri dhe kjo sasi, mundet të jetë edhe pjesë e atyre të korrave, të cilat kanë qenë në zonën e Ukrainës.

Pjesa më e madhe e dërgesave, kanë qenë në drejtim të Libisë dhe Iranit.

Vetë Ukraina, e ka pasur më të vështirë të kryejë dërgesa, duke parë portet e marra nga Rusia apo rrugët e bllokuara, shtuar këtu edhe eksodin e madh të ukrainasve, jeta e të cilëve është kanosur nga forcat ruse.

Megjithatë, falë një ndërhyrjeje nga Turqia dhe veçanërisht nga presidenti turk, Recep Tayyip Erdogan, është arritur të arrihet një zgjerimin i marrëveshjes së grurit, me 180 ditë. Gjë kjo, e cila e lejon Ukrainën të eksportojë sasinë e korrur pa pasur probleme, duke kaluar anijet në Detin e Zi.

Duke qenë se Ukraina është ndër eksportueset më të mëdha të grurit në botë, mbart një rëndësi të veçantë edhe lufta për lëndën e parë, nga ana e Rusisë.

Siguria ushqimore, u cenua rëndë në muajt e para të pushtimit rus të Ukrainës dhe çmimet arritën rekorde historike, sa i përket drithërave.

Muajt e fundit, situata është shfaqur më e normalizuar, por sërish ka problematika të mëdha, mbi të gjitha për Kievin zyrtar.

Pse Putin s’do të gjykohet kurrë për krime lufte në Ukrainë?

18:31 Bota

750 milionë dollarë, SHBA prezanton bombarduesin e ri bërthamor

18:09 Bota

Rusia pushton Mariupolin, trupat ruse ngrenë bazë ushtarake në qytetin e shkatërruar

16:28 Bota

Përhapja e Covid, zbulimi tronditës i shkencëtarit: Kam punuar në laboratorin e Wuhan, e di çfarë ka ndodhur

16:08 Bota 14 komente

Rusia kundërshton tërheqjen e trupave nga Ukraina si kusht për bisedime

15:18 Bota

Ministri i Jashtëm ukrainas: 17 misione diplomatike kanë marrë pako të dyshimta pas “letrës bombë” në Madrid

13:01 Bota

Inteligjenca britanike zbulon objektivin e radhës të forcave ruse në Ukrainë

12:22 Bota 2 komente

“Po minon demokracinë në vendet kandidate për në BE”, PE pritet të nisë hetim për Oliver Varhelyi

11:46 Bota

Heusgen: Përveç luftës në Ukrainë, Rusia po luan lojëra kudo

11:18 Bota

"Evropa do të ishte në telashe pa SHBA", deklarata e fortë e kryeministres finlandeze

10:23 Bota 3 komente