Tolkach: Është e pamundur ta krahasosh Kosovën me Ukrainën

3 Tetor 2022, 15:34Bota TEMA

Tolkach: Është e pamundur ta krahasosh Kosovën me Ukrainën

Ambasadori i Ukrainës në Serbi, Volodymyr Tolkach, ka thënë se Rusia duke e krahasuar referendumin e organizuar në katër rajone të Ukrainës me atë në Kosovë, “shkelë të gjitha parimet e mundshme dhe të pamundura dhe pastaj mundohet t’i kthejë ato parime në standarde të përbashkëta, gjë që mua më duket qesharake”.


“Le të imagjinojmë një situatë ku një numër i madh serbësh flasin rusisht dhe nesër ushtria pushton për të mbrojtur serbët që flasin rusisht dhe nuk njihen në nivel shtetëror dhe pasnesër bëhet referendumi. Mund të krahasojmë gjërat që mund të krahasohen, jo ato që janë të pakrahasueshme”, tha Tolkach gjatë një interviste në N1.

Lidhur me qëndrimin e Ministrisë së Punëve të Jashtme të Rusisë e cila iu referua aktgjykimit të Gjykatës Ndërkombëtare të Drejtësisë për Kosovën si dëshmi se referendumet janë në përputhje me të drejtën ndërkombëtare, Tolkac sugjeron se duhet të shikojmë diçka tjetër.


“Ka dy mënyra – referendumet që janë mbajtur në Kosovë nën vëzhgimin e vëzhguesve ndërkombëtarë dhe që përgatiten me vite të tëra, dhe t’i krahasosh me referendumet e mbajtura nën kërcënimin e forcave të armatosura të Rusisë – është qesharake”.

Ai po ashtu është pyetur nëse ka pasur ndonjë rast kur Ukraina është shprehur për njohjen e Kosovës.

“Jo, ne gjithmonë e kemi përkrahur parimin e integritetit territorial të Serbisë, pa marrë parasysh se pozita e Kosovës ka qenë më afër nesh sesa qëndrimi i Serbisë”, shtoi Tolkac.

Diplomati ukrainas foli edhe për mos vendosjen e sanksioneve nga Serbia për Rusinë.

Ai theksoi se “ne do të donim ta shihnim Serbinë si mike dhe aleate dhe është e vështirë për ne të kuptojmë argumentet që jep Serbia me secilin prej ushtarëve tanë të rënë, me çdo fëmijë të rënë, dhe deri më tani kanë vdekur më shumë se 300 fëmijë dhe shumë të tjerë”.

“Gjithçka është gjithnjë e më e vështirë të kuptosh argumentet e Serbisë”.

“Ne presim mbështetjen e Serbisë, duke iu bashkuar sanksioneve që po i vendosen Rusisë. Kjo do të na ndihmojë të tregojmë se qëndrojmë për vlerat e përbashkëta. Ne duhet të ndihmojmë njëri-tjetrin edhe për mbështetje teknike ushtarake. Ftojmë udhëheqjen e Serbisë të luftojmë së bashku”.

1 Komente

  1. K
    Kruja

    Ambasadori ukrainas duket se nuk e njeh mire ose ben sikur nuk e njeh rastin e Kosoves. Ne 1999-ten perfaqesuesve te Serbise dhe te Kosoves ne Rambuje j'u vu perpara DRAFT: 1. Serbia i kthen Kosoves Autonomine e abroguar ne 1989-ten. 2. Terhiqet ushteria serbe dhe populli i Kosoves kthehet ne shtepite e veta 2. Kosova qendron pjese e Serbise. Serbia e hodhi poshte kete DRAFT. Aresyeja ishte e thjeshte: Ata e donin Kosoven pjese te Serbise POR PA SHQIPTARE ne Kosove. KY ESHTE THELBI. Pra, DRAFTI nuk shkelte integritetin territorial te Serbise por Serbia e donte integritetin e vet territorial pa shqiptaret ne Kosove. Prandaj Putin nuk mund te krahasoje Kosoven me rajonet e pushtuar ne Ukraine. Ne Ukraine nuk ka ndodhur spastrim etnik. Ushteria ruse duhet te terhiqet dhe pastaj mund te organizohen referendume te rregullta. Kjo faze e referendumeve vjen pasi Rusia te terhiqet. Ukraina duhet e njohe Kosoven sa me pare dhe t'i kerkoje me fort Serbise vendosjen e sanksioneve ndaj Rusise. Serbia eshte me Rusine sepse ka bere ne Kosove pikerisht ate qe po ben Rusia ne Ukraine. Serbet thone qe 'sulmuan' territorin e tyre POR nuk te lejon kush te sulmosh qytetaret dhe te besh spastrim etnik sepse humbet te drejten e integritetit territorial. Gjykata Nderkombetare ka marre vendimet e vete tashme. A ka qeveritare ne Kosove ti thone ketij ambasadori se qendrimi i tij nuk e ndihmon Ukrainen, por edhe nuk e terheq nga ana e vet Serbine.

    Lini një Përgjigje