1,3 mld € të ardhura për 35 vjet nga tarifa e kalimit në Thumanë-Kashar

2 Qershor 2022, 17:12Ekonomia TEMA

1,3 mld € të ardhura për 35 vjet nga tarifa e kalimit në

Koncesionari i segmentit Thumanë-Kashar projekton që të vjelë nga tarifa e kalimit të rrugës 1 miliard e 307 milion euro për 35 vjet.

Në kontratën e ndryshuar mes qeverisë dhe kompanisë Gener 2, ndërtimi i 20.8 kilometrave rrugë do të bëhet me paratë e firmës koncesionare, ndërsa investimi dhe fitimi i kompanisë do të realizohet nga vendosja e një trau me pagesë për automjetet që do të kalojnë.

Tarifa e kalimit për makinat e thjeshta me 4 vende do të jetë 2.5 euro duke përfshirë TVSH-në.

Kjo do të jetë një nga tarifat më të larta në Europë, ku shoferët do të paguajnë 12 cent për kilometër, ndërsa mesatarja e europiane për autostrada është 7 cent/km.

Autostrada me 4 korsi, do të nisë 150 metra në brendësi të rrugës ekzistuese që lidh Milotin me Thumanën dhe më pas do të vazhdojë e drejtë deri në Fushë-Krujë, nga ku me një kthesë të dyfishtë do t’i afrohet aeroportit të Rinasit dhe një gjurmë tjetër e saj do të lidhet me autostradën Tiranë Durrës në pjesën e Kasharit.

Kompania zotohet që përmes një kredie bankare të financojë vetë ndërtimin e rrugës, e cila do të kushtojë 245 milionë euro dhe të mirëmbajë përgjatë 35 viteve segmentin.

Buxheti i shtetit merr përsipër që të garantojë fluksin e automjeteve që do të kalojnë për 8 vitet e para të operimit, dhe nuk do të paguajë më shumë se 22.8 milionë euro për të gjithë periudhën.

Ndërtimi do të nisë që këtë vit dhe planifikohet të përfundojë në 2024-n, vit në të cilin fillon edhe aplikimi i tarifës.

Sipas studimeve të qeverisë, kostoja fillestare e këtij aksi ishte 169 milionë euro, por në ofertën e pakërkuar që dha Gener 2 vlera u rrit në 245 milionë euro, dhe pas fitimit të tenderit vlera që do të paguante buxheti i shtetit në fund të kontratës arriti në 370 milionë euro, ku përfshihej dhe interesi bankar për kredinë që do të merrte koncesionari.

Në janar të vitit 2019 ministrja Belinda Balluku anuloi kontratën, por në korrik të vitit të shkuar Gjykata Administrative e Apelit urdhëroi ministrinë që të përcjellë për miratim kontratën në Këshillin e Ministrave.(Euronews)

5 Komente

  1. D
    Detari

    kur merren nga vet skiptaret nuk quhen te ardhura o koke loqqe

    1. O
      Ornela e Varuzhan Piranjanit

      Po ta benin 2 miliard kush do i pengonte ? Kryeminister hajdut dhe legen ! Sepse ai qe vjedh fukarane eshte legen

      1. P
        Petro

        Do harxhojne maksimumi 50 milione Euro, rreth 2 milione per kilometer; dhe do fitojne 2 miliarde e me shume, nisur nga trafiku ne rritje nder vite. Grabitje e ndyre dhe e perseritur e mbare kombit shqiptar nga Edvin Droga i babezituri, i cili ashtu si hajdutet dhe kacaket mesjetare; u ka vene 2 Trare/Dogana zhvatese shqiptareve: 1) ne Rrugen e Kombit dhe 2) kete qe qe kriminalisht po programohet.

        1. A
          Arbër

          2 milionë për kilometër? Në vitin 2022? As në vitin 1996 nuk ka qënë kaq, por 5 milionë USD( në segmentin Tiranë-Kashar). Epo thuaj ta bëjë falas...

        2. K
          Komentator Politik ????????

          BE në autostrada të tilla, sheshe, bulevarda, bëhen gropimin e ujrave të zeza të banorëve.në thellesi mbi 80 m, dhe gropa rezervuar të gjëra ,ku para asfaltimit mund të vendos kabull elektrifikimi,telefoni,uji, gazi., dhe jo si te ne zhavor,asfalt,nivel(si hekurudh)

          Lini një Përgjigje