Çmimet e konsumit nuk njohin rënie, ushqimet dhe transporti shënojnë rekord

Indeksimi i çmimeve të konsumit, prej muajsh, kanë parë vetëm rritje dhe gjatë gushtit 2022, ato kanë kapur shifra rekord në vitet e fundit, mbi të gjitha sa i përket ushqimeve dhe transportit.

Sipas publikimit të fundit nga Instituti i Statistikave në Shqipëri (INSTAT), rritja krahasimisht me një vit më parë, në tërësi, është me 8%. Në të njëjtën periudhë të vitit të shkuar me atë 2020, indeksimi kapi vlera deri në 2.4%.

Por, lufta në Ukrainë si edhe kriza energjetike që ka kapluar gjithë Evropën, kanë dhënë pasojat e tyre të menjëhershme në indeksimin e çmimeve.

Ndikimin më të madh në termat e ndryshimit vjetor, e kanë kapur ushqimet, me 4.88 pikë.

Në terma të rritjes në përqindje me të njëjtën periudhë të vitit të shkuar, ushqimet janë rritur me 14%.

Transporti, pavarësisht se në terma vjetorë luan me +1.12 pikë në indeksim, në kushtet e krahasimit me të njëjtën periudhë të vitit të shkuar, ka shënuar rritje me 19.3% – më e madhja ndër të gjithë sektorët.

Një rritje të ndjeshme e kanë parë edhe qiratë, uji, lënda djegëse dhe energjia, pavarësisht se këtë të fundit, prej kohësh, Qeveria e mbajtur në të njëjtin çmim për konsumatorët familjarë, duke kompensuar vetë rritjen e çmimit të tregut.

Shëndeti dhe shërbimi arsimor janë ndër sektorët me luhatjen më të ulët.

Teksa, tek ushqimoret, rritjen më të ndjeshme e kanë shënuar produktet e vajrave dhe yndyrnave, me 28.8%.

Më pas, ndjekin nënproduktet e bulmetit, me 22.3% si edhe buka e drithërat, me rritje 20.4%.

Në shifra, ushqimet kanë qenë në kuotën e indeksit prej 103.5 pikësh në gusht 2021. Në muajin gusht të këtij viti, ato kanë shënuar kuotën e indeksit prej 118 pikësh.

Transporti është e vetmja kategori, e cila e tejkalon këtë kuotë prej disa muajsh, duke kapur shifrën e 125.3 pikëve. Kjo, për shkak të rritjes eksponenciale të çmimit të hidrokarbureve.

Dielli si shpëtim për bizneset, mungojnë incentivat për panelet fotovoltatike

18:06 Ekonomia 2 komente

Belinda Balluku: Në 2030 Shqipëria eksportuese e energjisë

17:16 Ekonomia 4 komente

Europës i vjen “goditja e re” financiare: Po afron një krizë likuiditeti!

15:16 Ekonomia

Forumi Energjetik i Europës Juglindore, Balluku: Planet strategjike të Shqipërisë për përballimin e krizës, duhet më shumë bashkëpunim rajonal

12:04 Ekonomia 3 komente

Kriza energjike: A jemi vërtetë në situatën ku “zengjinët” meritojnë të “dënohen” me fatura të frikshme?

15:45 Ekonomia 3 komente

Ilir Bejtja: Bëhuni nikoqirë siç kanë qenë nënat tona, kurseni energji

15:22 Ekonomia 4 komente

Rama: Vendet e tjera po rrisin çmimet direkt te konsumatorët, ne po ju mbrojmë me dhëmbë

12:28 Ekonomia 9 komente

‘Nuk përpunojmë dot naftë’, Rama: Do ndërtojmë rafineri të re

12:16 Ekonomia 7 komente

Rama i ashpër me Dhomat e Tregtisë: Ta them troç, raportet tuaja janë joprofesionale. Pse flisni pa lidhje?

11:34 Ekonomia

Rama iu drejtohet bizneseve: Filloni prodhimin e energjisë diellore, do iu lehtësojmë investimin

11:12 Ekonomia 1 koment