Shqiptarët blenë 3 mld € prona, vetëm 30% përmes kredive, pjesa tjetër ‘cash’

24 Qershor 2022, 17:17Ekonomia TEMA

Shqiptarët blenë 3 mld € prona, vetëm 30% përmes

Shqiptarët kanë blerë 3 miliardë euro pasuri të patundshme gjatë vitit të shkuar.

Të dhëna zyrtare ekskluzive për Euronews Albania tregojnë se 1/5 e prodhimit kombëtar të vendit është përqendruar në sektorin e shit-blerjeve të pasurive të patundshme.

Edhe pse tregu i investimit në ndërtim është rritur në shifra të tilla, financimi i blerjes së shtëpive përmes kredive bankare gjatë vitit të shkuar është bërë vetëm në 30% të rasteve, pjesa tjetër rezulton të jetë në formën e “cash”-it ose kursimeve bankare.

Tregu i pasurive të patundshme është pompuar shumë vitet e fundit si në anën e ofertës edhe në atë të kërkesës. Shohim shumë të mëdha parash që janë investuar në ndërtim të cilat vijnë nga burime jo formale.

Për ekspertin Zef Preçi, rritja e parave ‘cash’ në blerjen e pronave ka sjellë një tendencë të re sociale: pasuritë nuk po blihen nga shtresa e mesme dhe intelektualët, por zyrtarët e korruptuar dhe grupet kriminale.

“Nuk janë më blerës shtresa e mesme dhe ata që kursejnë, por zyrtarë që përfitojnë, një pjesë e korruptuar e tyre, bizneset që kanë pasur rritje dhe pjesa më e rëndësishme janë pjesëtarët e aktiviteteve kriminale”, thotë Zef Preçi, drejtor i qendrës për kërkime ekonomike.

Flukset e parave ‘cash’ që qarkullojnë në ekonominë shqiptare arritën në 3 miliardë euro në fund të prillit të këtij viti duke pësuar një rritje me bazë vjetore në nivelin e 130 milionë eurove.

1 Komente

  1. k
    k

    Sa herët e paskeni kuptuar.Qenkeni shumë të kapshëm.

    Lini një Përgjigje