Pezullimi i shefit të stacionit të policisë dhe tre efektivë në Velipojë, Balla: Një rrënjë kanabisi nuk ka shans të rritet pa një polic që mbyll sytë

Pas pezullimit të shefit të Policisë në Velipojë dhe 3 oficerëve të tjerë, të cilët shpërdoruan detyrën pasi dyshohet se lejuan kultivimin e kanabisit, ka reaguar ministri i Brendshëm, Taulant Balla.

Në një postim në rrjetet sociale, Balla thotë se është i vendosur për vetë-pastrimin e policisë nga kushdo që tradhton luftën kundër kanabisit.

Sipas ministrit, pezullimi i tyre është vetëm hapi i parë ndërshkimor për mbylljen e syve apo ndoshta edhe përfshirjen e tyre në bordorotë e grupeve kriminale që prisnin të korrnin ato 10 mijë bimë narkotike.

Postimi i plotë i Ballës:

Ndërsa gjatë javëve të fundit Policia e Shtetit ka zhvilluar shumë operacione lokale dhe në nivel kombëtar kundër kultivimit të lëndëve narkotike, jam edhe më i bindur se kjo luftë duhet të vazhdojë edhe më fort, përderisa përsëri e përsëri, tek apo tuk, kanabisi rinxjerr kokën sapo policia e kthen kokën nga ana tjetër. E kam thënë që ditën e parë në detyrë se një rrënjë kanabisi nuk ka shans të rritet, pa një polic që paguhet për të mos e parë apo se një parcelë kanabisi nuk ka mundësi të vetme të korret, pa një shef që paguhet nga trafikantët për të mos e shkulur apo kontrolluar në një pikë kalimi kufitar.

Goditja e një rasti tjetër kultivimi të bimëve narkotike, në Velipojë, ku u asgjësuan mbi 10 920 bimë të dyshuara narkotike cannabis sativa, nxorri në pah edhe përgjegjësinë apo mbylljen e syve të strukturave përkatëse të Policisë vendore. Pezullimi i menjëhershëm i Shefit të Stacionit të Policisë së Shtetit Velipojë bashkë me tre oficerë të tjerë policie në këtë stacion, është vetëm hapi i parë ndërshkimor për mbylljen e syve apo ndoshta edhe përfshirjen e tyre në bordorotë e grupeve kriminale që prisnin të korrnin ato 10 mijë bimë narkotike. Prandaj vetë-pastrimi i Policisë së Shtetit nga kushdo që tradhëton këtë luftë do të vazhdojë çdo ditë, pa kthim pas!

Gjithashtu, nisur nga rastet e kapjes së lëndës narkotike në pikat e kalimit kufitar, Agjensia e Mbikqyrjes Policore dhe Drejtoria e Përgjithshme e Policisë së Shtetit në bashkëpunim me Prokurorinë duhet të hetojnë plotësisht gjithë rrugëtimin që nga momenti i kultivimit apo hyrjes në territorin e vendit tonë, për të nxjerrë përgjegjësinë e atyre drejtorëve, shefave apo kontrollorëve policie që nuk e kanë bërë detyrën.

Babë e bir tentuan të kalonin rreth 300 kg kanabis, bllokohet kamioni në doganën e Malit të Zi

12:30 Kronika 2 komente

Kapet varka e peshkimit me 2 tonë kokainë në Spanjë, arrestohet kreu shqiptar i celulës së “Kartelit Ballkanik”

12:03 Kronika 1 koment

E zhdukur prej 7 muajsh, gjendet në Shqipëri 48-vjeçarja greke

11:37 Kronika 3 komente

Pjesë e një grupi kriminal që trafikonin drogë, arrestohet 36-vjeçari në Sarandë

11:12 Kronika

Kapen me 58 kg drogë dhe mbi 400 mijë euro, arrestohet 2 trafikantët shqiptarë në Itali

10:39 Kronika

EMRAT/ Krimi në Përmet, kush është viktima dhe i moshuari vrasës, i proceduar dhe më parë për dhunë

10:12 Kronika

Detaje nga vrasja e Elson Kalaverit, si u fut në kurth nga shqiptari tjetër

09:53 Kronika 2 komente

Përmet: 82-vjeçari godet për vdekje me shkop druri bashkëshorten

09:40 Kronika 1 koment

FOTO: S’përballoi dot vdekjen e gruas, ky është mësuesi që i dha fund jetës pranë varrit të saj

09:20 Kronika 26 komente

Drogë në klubet e Tiranës, ‘tullumbacja’ që po ‘helmon’ të rinjtë! Gjendet lehtësisht për 300 deri në 500 lekë

22:10 Kronika 1 koment