Te fundit
Kryeministri i Japonisë pushon nga puna të birin dhe jo pa shkak
30 Maj 2023, 11:30Lifestyle
TEMA
Kryeministri japonez, Fumio Kishida, pushoi nga puna djalin e tij, pasi u shfaqën foto gjatë një feste private në rezidencën zyrtare.
Djali i madh i tij, Shotaro, do të tërhiqet nga posti i sekretarit ekzekutiv të politikave pas kritikave për përdorimin e rezidencës zyrtare të liderit për një festë private.
Fotot e publikuara nga revista e përjavshme Shukan Bunshun treguan Shotaro-n dhe rreth 10 të afërm të tij duke pozuar ose shtrirë në shkallët simbolike të rëndësishme të rezidencës, duke imituar një kabinet qeveritar.
Në dhjetor të vitit të kaluar, u shfaqën foto ku disa njerëz qëndronin në një podium sikur po mbanin një konferencë shtypi.
“Si sekretar për çështjet politike [të kryeministrit], një pozicion publik, veprimet e tij ishin të papërshtatshme dhe vendosa ta zëvendësoj për ta marrë përgjegjësi,” njoftoi kryeministri.
Nuk është hera e parë që Shotaro, 32 vjeç, kritikohet për shpërdorim të detyrës. Në janar, teksa shoqëronte të atin, ai u qortua për përdorimin e makinave të ambasadës për udhëtime private në Britani dhe Paris dhe për blerjen e suvenireve për anëtarët e kabinetit në një dyqan luksoz në Londër.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ne Shqiperi kjo eshte gjeja me normale!!! E kunderta denohet madje. Do ishte mire qe te nderrohen vendet e te denohen tanet me te shkuar atje dhe te vijne ata tek ne e te bejne pak qef . HAHA