Në Kosovë po mbretëron situatë depresive dhe gjithashtu ka pasiguri, ka shkruar ish-kryeministri i Kosovës, Avdullah Hoti në Facebook dhe sipas tij, për këtë gjendje fajet i ka Qeveria e Kosovës.
“Është kryesisht rezultat i veprimeve/mosveprimeve të Qeverisë ndaj zhvillimeve ekonomike e politike në Kosovë dhe rajon:, shkruan Hoti.
Sipas tij, sikur Kosova të kishte “qeverisje e mbarë dhe normale” dhe të ishte “e motivuar për punë e jo e shtyrë nga populizmat, komunikuese me partnerët social”, do t’i kishte evituar problemet.
Për Hotin, janë shtatë probleme qendrore që ka aktualisht Kosova.
E para është retorika e fundit e kryeministrit Kurti, apo sic shkruan Hoti, “përmendja e vazhdueshme e mundësisë për luftë”.
Së dyti, shkruan Hoti, “inflacioni i lartë prej mbi 14%”.
Problemi i tretë është, sipas tij, ajo që e ka përmendur edhe të shtunën Lidhja Demokratike e Kosovës, që ka të bëjë me mungesën në investime kapitale.
“Janë bllokuar 728 milionë euro për projekte kapitale”, thotë Hoti, që i shton listës së tij edhe probleme të tjera si “kriza energjetike, potencialiteti i protestave në shtator nga sindikatat, dialogu me Serbinë që s’po lëvizë” dhe e fundit “debati për shaminë në shkolla”.
Lini një Përgjigje