Te fundit
Rusët futen në tregun grek të pasurive të paluajtshme – Mundësi investimi dhe transaksione ligjore përmes Turqisë
16 Mars 2023, 22:40Rajoni
TEMA
Tregu aktual grek i pasurive të paluajtshme ofron kushtet bazë për pastrim parash sipas analizave të fundit rreth këtij sektori: xhiro e lartë, çmime në rritje dhe origjina e fondeve nga vendet ku është e vështirë të kalosh ose ku shitja e të ashtuquajturave “pasaporta” funksionon si industri. Një nga këto vende është edhe Turqia. Çmimet nisin nga 250 mijë dollarë dhe arrijnë deri në 400 mijë dollarë për “pasaportën e artë”. Qytetarët dynden nga vende si Irani, Kina dhe Rusia për të marrë nënshtetësinë turke duke investuar në pasuri të paluajtshme. Ministri i Brendshëm i Turqisë konfirmoi kohët e fundit se shtetësia u ishte dhënë rreth 26 mijë investitorëve, shumë prej të cilëve aplikuan me familjet e tyre. Fillimisht, shumica vinin nga vendet e Lindjes së Mesme.
Së fundmi, autoritetet kanë evidentuar raste që kanë zgjuar kureshtjen e tyre. Si, për shembull, ulja e blerjeve të pasurive të paluajtshme nga rusët, që shpjegohet fillimisht për shkak të luftës. Megjithatë, në të njëjtën kohë, ata shohin hyrje të kapitalit në pronat e paluajtshme greke përmes rrugëve të njohura, si Turqia. Dhe jo vetëm. Ata gjithashtu kanë identifikuar interesat për blerje ose aplikime për leje qëndrimi përmes Golden Visa – kërkohet investim në pronë mbi 250 mijë euro dhe deri në 500 mijë euro.
Jo të gjithë qytetarët janë të detyruar të deklarojnë origjinën, ndërsa në rastin e Vizës së Artë, Autoriteti kompetent për kontrolle është vendi i origjinës dhe jo Greqia. Për këtë arsye, disa vende të zhvilluara, si SHBA, kanë shprehur kundërshtimin e tyre ndaj regjimit të vizave të arta në fuqi në shtete të tjera. Sepse kapitali largohet nga këto vende, ‘lahet’ në të tjera përmes tregut të pasurive të paluajtshme dhe më pas kthehet “i pastër”. Kështu humbasin fonde të mëdha dhe shumë taksa.
Shifrat tregojnë se nga rreth 7 miliardë euro që janë investuar nga jashtë në pasuri të paluajtshme greke, 2 miliardë euro janë vendosur në vitin 2022 dhe pothuajse gjysma në tre vitet e fundit të bumit të madh. Përveç vendeve tradicionale të origjinës, si vendet aziatike, Zvicra, SHBA dhe vendet e Eurozonës, në dy vitet e fundit kryesisht janë vërejtur dallime të theksuara. Për shembull, ka një rënie të madhe të investitorëve kinezë, një rënie të fondeve nga Rusia dhe një rritje nga Turqia dhe “vendet e paspecifikuara”. Kjo sepse shumat janë të vogla, ose nuk mund të gjurmohen.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po ata te KE-se i dine keto? Apo beni si themi ne e mos beni si bejme ne!!! Bejne rezoluta kunder nje pashaporte te ashtu quajtur te arte,qe akoma eshte fantazme ne Shqiperi,e nuk e hapin zgurden ku dy vende antare te BE-se si Gerrqia e Qipria ja u kan çu,ruse,kineze,iraniane e e lloj lloj arabesh fiks nen mustaqe!!
Keta te Europe's tamam ka thene i madhi Gjergj Fishta "Europe moj kurva e motit"per vete skene gje pa bere e per ne fukarate na i mbyllin te gjitha dyert