Te fundit
Publikoi tezën e Gjuhës dhe Letërsisë në TikTok, përjashtohet maturanti në Kukës
9 Qershor 2026, 11:52Sociale
TEMA
Një maturant në Kukës është përjashtuar nga provimi i Gjuhës Shqipe dhe Letërsisë pasi është konstatuar duke fotografuar tezën gjatë zhvillimit të testimit.
Ndërkohë Ministria e Arsimit ka garantuar se provimi i Gjuhës Shqipe dhe Letërsisë në kuadër të Maturës Shtetërore 2026 po zhvillohet normalisht, në kushte sigurie dhe transparence të plotë në të gjithë vendin.
Sipas Ministrisë, provimi i dytë i maturës po zhvillohet në 144 qendra provimi dhe përfshin mbi 26,600 maturantë, ndërsa të gjitha procedurat po zbatohen në përputhje të plotë me Rregulloren e Maturës Shtetërore.
Në lidhje me publikimin e fotografive të tezës në rrjetet sociale, Ministria sqaron se ky akt është kryer pasi provimi kishte nisur dhe, sipas saj, nuk ndikon në integritetin e procesit. Po ashtu, është bërë e ditur se rasti është evidentuar në një qendër provimi në Qarkun e Kukësit, ku maturanti përgjegjës është përjashtuar menjëherë nga testi.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk kane mendje per provim,e kan mendjen te pordhesta saliut
Shpellar
Publikoi testin apo tezen?