7 yje që mund t’i bashkohen Ronaldo-s në Arabinë Saudite dhe sa mund të fitojnë

12 Maj 2023, 18:02Sport TEMA

7 yje që mund t’i bashkohen Ronaldo-s në Arabinë Saudite

Arabia Saudite synon ta bëjë kampionatin e futbollit një forcë të madhe. Revolucioni i vazhdueshëm në vendin e Lindjes së Mesme do të tërheqë veteranët kryesorë nga Europa.

Cristiano Ronaldo ishte ylli më i madh që u transferua në vendin arab kur bëri një lëvizje të suksesshme te Al-Nassr në janar, duke nënshkruar një kontratë dyvjeçare e gjysmë me vlerë 173 milionë sterlina në sezon.

Më shumë yje evropianë në të 30-at e tyre po synohen për lëvizje fitimprurëse në kampionatin arab, që renditet i 27-ti në botë nga FIFA.

Më poshtë janë renditur shtatë lojtarët që mund të marrin oferta nga Arabia Saudite.

1 – Lionel Messi

Kontrata e argjentinasit me Paris Saint-Germain do të skadojë në verë dhe ai do të largohet, me ofertat nga Arabia Saudite dhe ish-klubi i tij, Barcelona thuhet se janë në tryezë.

Sipas gazetës franceze, L’Equipe, Al-Hilal po i ofrojnë Messi-t një pagë mahnitëse prej 434 milionë sterlinash në sezon për t’iu bashkuar atyre kur t’i skadojë kontrata e tij me PSG.

2 – Hugo Lloris

Portieri i Tottenham ka luajtur ndeshjen e tij të fundit për klubin pasi pësoi një dëmtim që e përjashtoi atë për pjesën tjetër të sezonit. Kontrata e tij skadon në verë dhe ai do të mund të largohet me kosto zero.

Sipas The Times, një klub saudit i paidentifikuar është i gatshëm t’i ofrojë 36-vjeçarit 300,000 £ në javë për të kaluar ditët e fundit të karrierës së tij në Lindjen e Mesme.

3 – Sergio Busquets

Legjenda e Barcelona-s ka njoftuar se do të largohet nga Camp Nou në fund të sezonit, pas 17 viteve të mbushura me trofe te blaugrana-t. Sipas Mundo Deportivo, ai ka një ofertë nga Arabia Saudite me vlerë 15.7 milionë £ në sezon (300,000 £ në javë).

4 – Jordi Alba

Mbrojtësi i majtë spanjoll gjithashtu mund të largohet nga Barcelona në fund të sezonit, edhe pse ka një vit të mbetur nga kontrata e tij aktuale. Al-Hilal thuhet se dëshiron një ribashkim mes tij, Messit dhe Busquets, por është e paqartë se sa shumë po i ofrojnë.

5 – N’Golo Kante

Lojtari francez do të jetë pa ekip në fund të sezonit nëse nuk rinovon kontratën e tij aktuale me Chelsea, e cila vlen 290,000 £ në javë. Foot Mercato raporton se Al-Nassr është i interesuar ta marrë 31-vjeçarin.

6 – Roberto Firmino

Braziliani është konfirmuar se do të largohet nga Liverpool në fund të sezonit pas tetë vitesh. Sipas ESPN, ai është një nga lojtarët me kosto zero më të kërkuar në të gjithë Europën, i cili po ndiqet edhe nga disa klube saudite.

7 – Wilfred Zaha

Zaha do të jetë pa ekip në verë, nëse nuk zgjat kontratën aktuale me Crystal Palace. Al-Ittihad thuhet se është i gatshëm t’i ofrojë atij pak më shumë se klubi anglez për ta bindur të transferohet në Arabinë Saudite.

Lini një Përgjigje