Te fundit

Axhenda absurde e FSHF, vijon me ndeshjet në mesjavë që kanë larguar tifozët nga stadiumi dhe ekrani

25 Shtator 2023, 18:49Sport TEMA

Axhenda absurde e FSHF, vijon me ndeshjet në mesjavë që kanë

Federata Shqiptare e Futbollit ka vijuar serish me nje axhende skandaloze edhe per javen e 6-te te Kategorise Superiore.

Java e 5-të u mbyll ditën e djeshme, por do të rikthehet të luhet që këtë mesjave me 4 ndeshje.

U përgatit të luhej derbi i zjarrtë mes Tiranës dhe Partizanit, por një dakordësim i dy klubeve dhe FSHF bëri që kjo sfidë të shtyhet pmë 19 tetor në mënyrë që të luhet në ‘Air Albania’.

Në këtë mënyrë, Superioria nis të mërkurën me 3 ndeshje të njëpasnjëshme. Erzeni – Skënderbeu hap javën në orën 15:00 me shijakasit që vijnë nga fitorja suprizë me Tiranën ndërsa korçarët nga 3 humbje rradhazi. Në orën 18:00 do të luhet dhe sfida më e rëndësishme e kësaj jave.

Vllaznia – Egnatia do të masin pulsin e njëra-tjetrës në Loro Boriçi me dy skuadra që objektiv minimal kanë 4 vendet e para.

Në orën 20:15, Teuta pret Kukësin në Durrës me bregdetarët që duan të rikthehen te fitorja ndërsa verilindorët janë zgjuar më në fund teksa morën fitoren dhe pikët e para ndaj Skënderbeut javën e fundit.

Të enjten do të luhet edhe ndeshja e fundit e kësaj jave me Laçin që pret Dinamon në shtëpi. 

Kurbinasit, ashtu si dinamovitët vijnë nga një humbje dhe duan të rikthehen te pikët përballë njëra-tjetrës.

Nje kalendar ne fakt mjaft skandaloz pasi ka zbrazur edhe me shume stadiumet dhe ulur ndjekshmerine edhe ne televizion per shkak te diteve dhe orareve kur luhen.

Lini një Përgjigje

Më të lexuarat

Blog Tema

Powered by Tomorrow.io