Mourinho “mban” Tiranën në zemër, “Special One” kujton triumfin me “Verdhekuqtë” në “Air Albania”

9 Shkurt 2024, 14:30Sport TEMA
Mourinho “mban” Tiranën në zemër, “Special

Në karrierën e tij ka fituar shumë, por trofeu i ngritur në “Air Albania” në Tiranë mbetet i paharrueshëm. Kur kanë kaluar vetëm pak javë nga shkarkimi nga pankina e “Verdhekuqve” të Roma-s, portugezi, Jose Mourinho kthehet të flasë për triumfin në finalen e Conference League, ndaj Feyenoord në vitin 2021 të zhvilluar në kryeqytetin shqiptar.

“Kujtimet më të bukura në karrierë janë shumë, të bukura dhe të shëmtuara. Nëse më duhet të zgjedh një kujtim të bukur them trofeun e fundit të fituar. Nuk ishte trofeun më i rëndësishëm që kam fituar, por nga dimensionet që përfaqësonte, për gëzim që solli, them Conference League fituar me Roma-n në Tiranë”,- u shpreh “luzitani”.

“Special One” drejtoi Roma-n drejt trofeut të parë europian, por dy sezone më pas u largua nga klubi italian. Ndarja nuk ishte e butë, por gjithsesi, Mourinho është shprehur se do ta kujtojë gjithmonë “aventurën” me skuadrën “Verdhekuqe”.  

Lini një Përgjigje