Nishani takohet me përfaqësues të diasporës: Kemi nevojë për më shumë miq

Bashkëpunimi me diasporën shqiptare, ishte në qendër të takimit që Presidenti Bujar Nishani zhvilloi me rrjetin e profesionistëve dhe sipërmarrësve shqiptarë në SHBA.

Në formën e një bashkëbisedimi të hapur lidhur me zhvillimet në Shqipëri dhe perspektivën e integrimit, Nishani theksoi gjatë takimit domosdoshmërinë e kontributit të tyre për Shqipërinë dhe Kosovën.

“Shqipëria është anëtare e NATO-s – dhe pas zhvillimeve dramatike në Ukrainë, të gjithë e kuptuan menjëherë rëndësinë strategjike të kësaj arritje të madhe të Shqipërisë. Ndërkohë, Shqipërisë iu dha statusi i vendit kandidat në BE disa muaj më parë dhe ajo është më afër se kurrë me BE-në. Pikërisht për arsyen se jemi në rrugën e një zhvillimi dinamik, me qëllime ambicioze, dhe duke u përballur, si çdo vend, me atë që e ardhmja parashikon për ne, ne kemi nevojë edhe për më shumë miq, më shumë lidhje, më shumë njohje, dhe më shumë mundësi.

Prandaj, një organizim më i mirë, bashkëpunim edhe më i afërt për të maksimizuar ndikimin në shoqërinë në të cilën ne jemi të integruar, është ndoshta mbështetja më e madhe dhe cilësore që mund të jepet për Shqipërinë, për Kosovën, për botën shqiptare, si pjesë e pandarë e botës perëndimore.

Në një vend si SHBA, ku organizimi i komunitetit është jo vetëm një e drejtë, por një mënyrë e funksionimit të shoqërisë, aftësia për të bashkuar kontributet personale është një garanci për sukses. Kështu, unë do të doja t’ju inkurajoj që të ofroni praninë e aktivitetit tuaj në këtë vend në të gjitha dimensionet e mundshme të suksesit dhe prosperitetit për ju dhe familjet tuaja, por edhe për Shqipërinë, Kosovën dhe shqiptarët kudo që janë”, theksoi ai.

Presidenti Nishani shprehu mirënjohjen për komunitetin shqiptar në Amerikë, duke nënvizuar se suskesi i tyre në vendin ku jetojnë ka legjitimuar gjithmonë krenarinë e vendit mëmë.

“Është një e vërtetë e padiskutueshme se rreth 1.2 milion shqiptarë – më shumë se një e treta e popullsisë në vend sot – të cilët e kanë bërë zgjedhjen, gjatë dy dekadave të fundit, të jetojnë dhe punojnë jashtë vendit, japin një kontribut të çmuar dhe të mirëpritur në mënyra dhe forma të ndryshme, madje edhe kur ai nuk është drejtpërdrejt i dukshëm. U deshën disa vite për të kuptuar një gjë të thjeshtë: mungesa e shqiptarëve në tribunat e nderit, në altarët e vlerësimit apo tribunat e shkëlqimit nuk kishte të bënte me ndonjë lloj pamundësie të qenies tonë.

Kjo kishte të bënte me sistemin që nuk i jepte atyre një mundësi për të qenë të realizuar. Artistë, aktorë, këngëtarë, atletë, gazetarë, studentë të shkëlqyer në universitete të famshme, sipërmarrës të rinj dhe të suksesshëm në fusha të ndryshme, me pak fjalë, ju që jeni sot këtu jeni një dëshmi e vlerave të fshehura, aftësive të pashfrytëzuara dhe rezultateve të munguara.

Me suksesin tuaj, ju i keni dhënë vetes dhe familjes tuaj, por edhe Shqipërisë një krenari të ligjshme dhe ju meritoni mirënjohjen tonë. Jeta dhe interesat tuaja këtu, në këtë shoqëri, por unë ju inkurajoj që të vazhdoni të jeni të interesuar dhe të lidhur me Shqipërinë, me zhvillimet atje, sepse përvoja të tjera, këshilla dhe kontributet kurrë nuk do të jenë të tepërta apo të panevojshme”, u shpreh Kreu i Shtetit.

Presidenti Nishani ishte gjithashtu i ftuar edhe nga Organizata “Rrënjët Shqiptare”, një organizatë që punon për promovimin e trashëgimisë kultuore shqiptare, për të kremtuar pesëvjetorin e themelimit të saj.

SHËNIM/ Kuvendi i PD “varrosi” Olldashin. Berisha dhe Basha kundërshtuan propozimin për kujtimin e tij

20:14 Politika

Të rejat e ditës së parë/ Fahriu dhe Çiljeta përjashtohen nga Këshilli Kombëtar, Kunati i jep Bashës zëdhënësen e kompanisë së tij

20:06 Politika

Gjuha vete ku dhemb dhembi

19:09 Politika

FOTOT/ Majlinda Bregu përlotet pas fjalimit të Berishës

18:35 Politika

Rama kthehet nga Italia: Interes real për investime

17:52 Politika

Rama: Dje na gjuanin me baltë, sot PD bën kongres e Qeveria sheh punën e saj

16:49 Politika

Këshilli i ri Kombëtar i PD-së/ Në listë Dritan Shano, 2 herë shef kabineti i Fatos Nanos

15:20 Politika

Basha kërkon falje për qeverisjen “Berisha”: PD do ringrihet nga hiri, si në ’97-n

14:35 Politika

Kuvendi Kombëtar i PD/ Berisha thirrje për protesta: Nuk ua shpërblej dot atë që bëtë për mua

14:11 Politika

Balla: Lul Basha nuk bëhet dot as lider, as burrë

14:06 Politika