Te fundit
Di Caprio, 15 milionë dollarë në mbrojtje të planetit
15 Korrik 2015, 09:53Lifestyle
TEMA
Leonardo Di Caprio do të dhurojë 15 milionë dollarë për të financuar punën e grupeve që do të punojnë për të zgjidhur problemet e mjedisit.
“The Huffington Post”, ka pasqyruar fjalën e aktorit, i cili shprehet shumë i shqetësuar mbi fatin e planetit ku ne të gjithë jetojmë.
“Shkatërrimi i planetit tonë vazhdon me ritme të mëdha e ne nuk mund ta injorojmë këtë fakt. Ne kemi përgjegjësi për të ardhmen”.-është shprehur DiCaprio.
Aktori 40-vjeçar ka qenë një aktivist mjedisor gjatë gjithë karrierës së tij. Ai krijoi Fondacionin “Leonardo DiCaprio” në vitin 1998, për të financuar kështu përpjekjet që mbrojnë planetin dhe specie e tij të rrezikuara. Aktivitet ky që aktori e ushtron në më shumë se 40 vende.
Grantet do të shkojnë në drejtime të rëndësishmëve mjedisore, duke përfshirë Këshillin e Mbrojtjes së Burimeve Natyrore, World Wildlife Fund, Widlife Conservation Society etj.
Në shtator të vitit 2014, DiCaprio iu drejtua udhëheqësve botërorë në Samitin e klimës të Kombeve të Bashkuara duke iu kërkuar atyre që të adresojnë atë që ai e quan “sfidën më të madhe të ekzistencës sonë në këtë planet”.
“Miqtë e mi, ne përballemi, ndoshta më shumë se çdo herë tjetër në historinë e njerëzimit me këtë detyrë të vështirë, por të arritshme. Ju mund të bëni historinë”- është shprehur ndër të tjera ai.
Lini një Përgjigje
Më të lexuarat
24 oret e fundit
Javen e fundit
Blog Tema
