Te fundit
Ministri serb i Mbrojtjes: Nuk do të anëtarësohemi kurrë në NATO
24 Prill 2019, 21:36Rajoni
TEMA
Ministri i Mbrojtjes i Serbisë, Aleksandar Vulin, tha të mërkurën se Serbia ka zgjedhur të mbetet vend ushtarakisht neutral dhe se kurrë nuk do të bëhet anëtare e NATO-s, apo e ndonjë aleance tjetër ushtarake.
Vulin i bëri këto komente në një konferencë për siguri që u mbajt në Moskë.
Ai tha se NATO-ja me bombardimet e para 20 vjetëve mbi ushtrinë serbe “ka bërë përpjekje të vrasë Serbinë, porse ka vrarë të drejtën ndërkombëtare”, shkruan Radio Evropa e Lirë.
“Serbia, e udhëhequr nga presidenti Aleksandar Vuçiç, është rimëkëmbur por e drejta ndërkombëtare nuk është. Serbia është ende gjallë, por e drejta ndërkombëtare është ende e vdekur”, tha Vulin, gjatë prezantimit të tij me temën, “Siguria e Ballkanit midis sfidave globale dhe trashëgimisë rajonale”.
Siç raporton Shërbimi i Ballkanit i Radios Evropa e Lirë, Vulin po merr pjesë në “Konferencën e Tetë të Sigurisë Ndërkombëtare”, e cila po i zhvillon punimet në Moskë nga data 24 deri më 26 prill.
Është njoftuar se Vulin do të takohet edhe me ministrin rus të Mbrojtjes, Sergei Shoigu.
3 komente në “Ministri serb i Mbrojtjes: Nuk do të anëtarësohemi kurrë në NATO”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sllavi kurre nuk ka bese ashtu si greku
BE s’ka të drejtë të antarsojë shtete që s’janë në NATO.
Ou neutral po Ruset cduan ne Nish neutralitet hajde Vulin hajde sa i zgjuar paske qene more se je neutral prandaj takon ministrin e mbrojtjes Rus ….