Nga 17 shkollat e reja e Bulevardi, tek investimet në zonat rurale, kreu i ri i Këshillit Bashkiak të Tiranës tregon projektet

Mbledhja e parë e Këshillit Bashkiak të Tiranës pritet që të miratojë një sërë vendimesh të rëndësishme për zhvillimin e qytetit. Kryetari i Këshillit Bashkiak Toni Gogu deklaroi se kryebashkiaku Veliaj ka vendosur disa objektiva ambiciozë dhe që janë mëse të arritshëm. Ai listoi edhe një sërë projektesh të rëndësishme që do i japim një tjetër pamje kryeqytetit, të ngjashme me kryeqendrat e tjera evropiane. 

“Kanë filluar punimet te Bulevardi “Zogu i I”. Ajo lloj cilësie që shohim te Sheshi “Skënderbej”, që ishte sheshi më i votuar për vitin 2018 në Europë, do të vazhdojë edhe drejt Bulevardit “Zogu I”. Për shkak se është parë se si ajo që kishim më përpara me ato tullat dhe ato fasadat ka nevojë t’i përgjigjen këtij lloj sheshi që ne kemi. Janë edhe punë të tjera. Kemi sfidën, në atë drejtim, të Parkut të Ri, me zgjatimin e Bulevardit, me mbërritjen e Bulevardit drejt Parkut të Ri dhe që kryetari ka vendosur disa objektiva goxha ambiciozë, por që shumë të arritshëm”, tha Gogu.

Një tjetër projekt shumë i rëndësishëm është edhe ai për transformimin e Piramidës dhe përgatitjen e gjeneratave të reja për teknologjinë dhe sipërmarrjen. “Piramida është gjithashtu jashtëzakonisht shumë interesant rehabilitimi i saj dhe kthimi i gjithë asaj sipërfaqeje të rinjve të qytetit. Atyre, të cilët duan të ndeshen me sfidat e teknologjisë, por edhe të sipërmarrjes, por edhe qytetarëve të cilët duan të vështrojnë qytetin nga një pikë vështrimi tjetër. Shumë shpejt do të fillojë edhe aty puna”, theksoi ai.

Dy nga projektet më të rëndësishme janë edhe hapja e 17 shkollave të reja që do i japin fund mësimit me dy turne si dhe gjithashtu kapja e shpejtësisë për fshatin dhe për zonat rurale.

“Janë një sërë sfidash të tjera. 17 shkolla të reja. Duhet të vazhdojmë sfidën me rehabilitim lagjesh. Por gjithashtu sfida kryesore e këtij mandati është gjithashtu kapja e shpejtësisë për fshatin dhe për zonat rurale, pra atë pjesë të qytetit e cila për shkak të zhvillimeve dhe ritmit që ka pasur në qytet, është duke pritur ende dhe në këto zgjedhje votoi dukshëm që do të ketë të njëjtën gjë në mesin e tyre. Puna ka filluar, ekipet janë në punë, Këshilli Bashkiak është duke u bërë gati për mbledhjen e tij të parë të punës me një rend dite goca ambicioz, kështu që jemi duke ecur”, deklaroi Kryetari i Këshillit Bashkiak të Tiranës, Toni Gogu.

Masat e forcuara ndaj duhanit: Nga ndalimi i cigares elektronike, te gjobat e reja. Ja detajet e ligjit të ri që hyn në fuqi

21:30 Sociale

SHIFRAT: Vajzat zgjedhin të diplomohen “në degë të lehta”

14:46 Sociale

Rama publikon SMS-në: Në Slloveni japin 200 uro, në Shqipëri 900 euro për një foshnje të porsalindur

22:26 Sociale

FOTOT: Kryebashkiaku i Shijakut "përvesh mëngët", pastron vetë rrugët dhe varrezat

17:51 Sociale

Nuk respektonin radhën në doganën e Hani Hotit, turistët francezë u japin "leksion" shoferëve shqiptarë

14:00 Sociale

Midhjet shqiptare në luftë për mbijetesë, rrezik nga ngrohja globale

10:54 Sociale

Nis transformimi i Bulevardit “Zogu I”, plan masash për qarkullimin e automjeteve

09:30 Sociale

Pijanecë? Ja sa birrë konsumojnë shqiptarët në raport me vendet e Evropës

08:50 Sociale

Fluks në Durrës, emigrantët zgjedhin vendin e tyre për të kaluar pushimet

10:30 Sociale

Surprizat e motit: Ja parashikimi i temperaturave për çdo qytet

09:43 Sociale