Te fundit
Pse t’i takoj posti i presidentit LDK-së?
2 Dhjetor 2019, 16:55Politika
TEMA
Nga Enver Robelli
Pse t’i takoj posti i presidentit LDK-së?
Si ngushëllim që i humbi (sërish!) zgjedhjet?
LDK e ka bërë një gabim historik që e ka zgjedhur këtë president që e ka Kosova. Kjo zgjedhje ka qenë pasojë e pazareve politike. Ti president (H.Th.), unë kryeministër, dmth. Isa Mustafa.
Poshtë pazaret e tilla primitive! Respektojeni Kushtetutën që thotë se presidenti duhet të reflektojë unitetin e popullit. VV dhe LDK mund të gjejnë një kandidat të përshtatshëm nga radhët e tyre për president, por kur të vijë koha.
Ministritë të ndahen përgjysmë (50:50), kryeministër shefi i VV-së, zëvendëskryeministre Vjosa Osmani.
Nuk ka nevojë për zëvendëskryeministra të tjerë. Kryetar Parlamenti në dy vitet e para Kujtim Shala, në dy vitet tjera Glauk Konjufca.
Ditën e mirë! Ose: Mund të luajnë poker partitë fituese të zgjedhjeve dhe të tallen me vullnetin e popullit për ndryshim, por nuk ka garanci se për këtë do të shpërblehen në të ardhmen. Kosovës i duhet një qeveri e re e dalë nga zgjedhjet e 6 tetorit. Tash. Menjëherë.
Dhe kjo qeveri nuk duhet të merret me politika simbolike, por me punë konkrete. Jo përralla kinse patriotike, por punë për të hequr bërllokun.
Domethënë: Përqendrim në spastrimin e sistemit. Korrigjim urgjent i gabimeve të qeverive të mëparshme.
Angazhim i profesionistëve në poste të rëndësishme. Verifikim i shumicës se tenderëve dhe anulim i atyre që janë të dyshimtë. Ndërtim i një sistemi efikas të drejtësisë.
Investim urgjent në arsim. Mbyllje urgjente e universiteteve e kolegjeve kriminale private. Spastrim i shërbimit diplomatik nga të paaftit dhe kriminelët. Mbyllje e “konsullatave të nderit” të Kosovës, të cilat janë çerdhe të spastrimit të parave. Vendosje e rregullit dhe profesionalizmit në mediat publike.
Emërim i një bankieri profesionit nga diaspora perëndimore në postin e guvernatorit të Bankës Qendrore. Emërim i një shefi të ri, të papërlyer në funksionin e shefit të AKI-së dhe të Policisë së Kosovës.
Dhe mijëra punë të tjera! A është e gatshme LDK për këtë fillim të mbarë? Nëse po, le ta lënë vajtimin për shkak se nuk doli e para. Nuk doli, sepse NUK E MERITOI! Por nëse qeverisë mirë, mund të dalë e para në të ardhmen.
1 komente në “Pse t’i takoj posti i presidentit LDK-së?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mustafa nje anti shqiptare, kapricoz, i keq, i paafte dhe perfitues. Te vjen plasje me keta palaco.