Partizani është në një krizë rezultatesh së fundmi, teksa vjen nga tre humbje radhazi, që tashmë i shohin të kuqtë me një diferencë prej pesë pikësh nga Kukësi kryesues.
Lidhur me krizën që po kalojnë “Demat”, ka folur edhe Sulejman Starova, i cili i ftuar në emisionin Pressing në ABC News ka analizuar Partizanin.
“Është gabimi i tretë që po bëjnë. Po bëjnë një dëm të madh, më duket se kanë humbur edhe harmoninë.
Lojtarët paguhen shumë. Partizani nuk është më me grintë. Luan mirë në pjesën e parë, pastaj shuhet.
Nuk po analizoj thjesht ndeshjen me Teutën. Mala, për arsyet që i dimë të gjithë, nuk po aktivizohet titullar.
Nuk po kundërshtoj politikat. Edhe trajneri është faktor kryesor.
Solomon, Brown, Romero, të gjithë lojtarë që janë blerë, e dini sa paguhen? Sipas mendimit tim, ata janë bërë problem”, përfundoi Starova.