Autoriteti i Konkurencës hap hetim ndaj kompanive celulare, pezullon rritjen e çmimeve

Qytetarë me celularë në duar në Tiranë

Në dy vendime të marra njëri pas tjetrit të premten Autoriteti i konkurencës njoftoi çelje të hetimeve për kompanitë celulare, për rritje të çmimit të rimbushjes fillestare dhe rritjen e tarifave të paketave 30 ditore me parapagesë dhe urdhëroi pezullimin e këtyre ndryshimeve.

“Vihet re që të tre operatorët celularë kanë hedhur në treg paketat e reja standarde 30 ditore me parapagesë me një rritje në çmim prej 200 lekësh, si dhe kanë rritur vlerën minimale për rimbushjeje me 100 leke, nga 100 në 200 lekë, në periudhën kohore 30 Janar – 11 shkurt 2020, sjellje e cila në kuptim të nenit 4, pika 1, gërma (a) të ligjit nr. 9121, datë 28.07.2003 “Për Mbrojtjen e Konkurrencës”, i ndryshuar, mund të përbëjë një marrëveshje të ndaluar”, thuhet në vendimin e Autoritetit të Konkurencës për pezullimin e ndryshimit të tarifave.

Në vendimin për urdhërimin e pezullimit thuhet se “jemi përpara një rasti urgjence për shkak të rrezikut të kryerjes së një dëmi të rëndë dhe të pariparueshëm për konkurrencën në këtë treg”. Ndërkohë në vendimin paralel njoftohet fillimi i një hetimi paraprak prej  1 nëntorit 2019 deri në 31 mars 2020.

Autoriteti urdhëron tre kompanitë që të bëjnë “Ndërprerjen e menjëhershme dhe jo me vonë se 5 ditë nga njoftimi i këtij vendimi, të aplikimit të paketave të reja standarde 30 ditore me parapagesë”. Masa sipas vendimit do të zgjasë deri në përfundimin e hetimeve. Në vendimin e hapjes së hetimit vihet në dukje se Autoriteti i konkurencës ishte vënë në lëvizje prej dy ankesave nga qytetarë dhe një ankese nga Qendra “Konsumatori Shqiptar”, të cilat ankoheshin për rritje të çmimeve në mënyrë të pajustifikuar.  Autoriteti ka ndërhyrë edhe më herët ndaj kompanive celulare. Një hetim i ngjashëm për faturimin katër javorë dhe një tjetër për rritje të menjëhershme të çmimeve, nuk gjetën shkelje edhe pse në të dy rastet kompanitë u tërhoqën pas disa muajsh.

Shqiptarët më “qeflinjtë” e Europës për t’u martuar

16:24 Sociale

STUDIMI: Janari më i ngrohtë në 141 vitet e fundit

11:54 Sociale

Lindjet ranë edhe për 2019: Por të paktën Shqipëria ruan rritjen natyrore të popullsisë

21:30 Sociale

Veliaj pret kryebashkiakun e Mantovës: Më shumë pemë, më shumë pista biçikletash dhe transport elektrik në Tiranë

17:14 Sociale

Auditimi i fundit i KLSH: Administrata e përdor internetin më shumë për “Facebook”, filma dhe lojëra

11:57 Sociale

FOTOT: Një tjetër lagje në kryeqytet bëhet me rrjet të ri ujësjellësi, furnizim cilësor me ujë të pijshëm

10:22 Sociale

"Asnjë fjalë për Papa Kriston", Gazmend Kapllani: Ky gjoja-kryepiskopi i kishës ortodokse shqiptare Janullatos po lutet për shpirtin e Kacifas

09:46 Sociale 1 koment

Qëndrimi ulur për një kohë të gjatë rrit rrezikun për t’u prekur nga depresioni

22:10 Sociale

Ndryshimi në ligjin për ushqimin, ministri Çuçi tregon si do të jetë AKU-ja e re

19:22 Sociale

VIDEO: Pamjet skandaloze, rrugës Çarshovë-Përmet i del kalldrëmi i osmanit

18:11 Sociale