Te fundit
Plagosje, atentat dhe pistoletën në kokë djalit të bosit të naftës: Kush është fieraku i arrestuar sot në Tiranë
19 Maj 2020, 19:20Kronika
TEMA
Policia njoftoi sot se ka arrestuar Anxhelino Çervanakun, i cili ishte shpallur në kërkim që në korrik të vitit 2014 pasi tentoi të vriste një person gjatë një sherri mes tyre në fshatin Frakull.
Por, krahas tentativës për vrasjen e një personi në vitin 2014 në Fier, Çervanaku është një emër i njohur për policinë duke dalë sërish në pah një vit më vonë.
Plagosja
“Nga Specialistët për Krimet e Rënda në Drejtorinë e Policisë së Qarkut Fier në bashkëpunim me shërbimet e Drejtorisë Policisë së Qarkut Tiranë, u bë ndalimi i shtetasit të shpallur në kërkim, Anxhelino Çervanaku, 22 vjeç,banues në fshatin Frakull e Madhe, Fier. Ndalimi i tij u bë pasi Gjykata e Shkallës Parë Fier ka caktuar masën e sigurisë ‘Arrest me burg’ ndaj këtij shtetasi për veprat penale ‘Vrasje me dashje’ e mbetur në tentativë”, thuhej në njoftimin e policisë.
Kërcënimi
Djali i biznesmenit deklaroi në atë kohë në polici, se ai ndodhej i vetëm në momentin që dy personat e lartpërmendur i kanë prerë rrugën, dhe duke i vënë pistoletën në kokë i kanë kërkuar atij shumën prej 1 mijë eurosh që ai u kishte marrë borxh pak kohë më parë.
Atentati
Disa kohë pasi kërcënuan djalin e biznesmenit, shokut të Ccervanakut, Devis Rustemajt i bënë një atentat në rrugën “Xhanfize Keko”, por policia nuk bëri dot një lidhje mes dy ngjarjeve duke hetuar edhe për një pistë tjetër, atë të konflikteve të çastit mes palëve.
Ccervanaku ka qenë mjaft aktiv në rrjetin social Facebook edhe pse ishte shpallur në kërkim prej gjashtë vitesh në 2014.
Lini një Përgjigje
Më të lexuarat
24 oret e fundit
Javen e fundit
Blog Tema
